இன்று வெள்ளிக்கிழமை தேதி 27.11.2020, ராகுகாலம் காலை 10.30-12.00, எமகண்டம் மாலை 3.00-4.30, இன்றைய ராசிபலனை பார்க்கலாம்.
மேஷம்
கம்பீரமாக பேசி சில காரியங்களை முடிப்பீர்கள். உடன்பிறந்தவர்கள் உங்கள் வளர்ச்சிக்கு உறுதுணையாக இருப்பார்கள். விசேஷங்களை முன்னின்று நடத்துவீர்கள். வாகனத்தை சீர் செய்வீர்கள். வியாபாரத்தில் புது யுக்திகளை கையாளுவீர்கள். உத்தியோகத்தில் சக ஊழியர்கள் உங்களை பாராட்டும்படி நடந்து கொள்வீர்கள். வெற்றிக்கு வித்திடும் நாள்.
ரிஷபம்
உணர்ச்சிப்பூர்வமாக பேசுவதை விட்டு அறிவு பூர்வமாக இன்று பேசுவீர்கள், செயல்படுவீர்கள். விலை உயர்ந்த பொருட்கள் வாங்கி மகிழ்வீர்கள். வியாபாரத்தில் எதிர்பாராத தனலாபம் உண்டு. உத்தியோகத்தில் பணிகளை சீக்கிரம் முடிப்பீர்கள். சாதிக்கும் நாள்.
மிதுனம்
ராசிக்குள் சந்திரன் இருப்பதால் கடந்த காலத்தில் ஏற்பட்ட இழப்புகள் ஏமாற்றங்களை நினைத்து அவ்வப்போது மனம் நொந்து போவீர்கள். உறவினர் நண்பர்களில் சிலர் உங்களை மதிக்காமல் போவார்கள். யாரையும் நீங்கள் பகைத்து கொள்ளாதீர்கள். உத்தியோகத்தில் பிறரின் குறைகளை சுட்டிக்காட்டுவதால் பிரச்சினைக்கு உள்ளாவீர்கள். சகிப்புத் தன்மை தேவைப்படும் நாள்.
கடகம்
கணவன்-மனைவிக்குள் மனஸ்தாபம் வந்து போகலாம். வாகனத்தில் செல்லும் போது செல்போனில் பேச வேண்டாம். சகோதர வகையில் ஆரோக்கியமான விவாதங்கள் வந்து போகும். வியாபாரத்தில் விஐபிகள் வாடிக்கையாளர்கள் ஆவார்கள். உத்தியோகத்தில் வேலைச்சுமை அதிகரிக்கும். போராடி வெல்ல வேண்டிய சூழ்நிலை உருவாகும்.
சிம்மம்
ஆன்மிகப் பெரியோரின் ஆசி கிடைக்கும் நாள். பெற்றோரின் விருப்பங்களை நிறைவேற்றுவீர்கள். நெருங்கியவர்களை சந்தித்து எதிர்காலம் குறித்து ஆலோசிப்பீர்கள். வியாபாரத்தில் வாடிக்கையாளர்களின் ரசனைகளை புரிந்துக் கொள்வீர்கள். உத்தியோகத்தில் சக ஊழியர்கள் பாராட்டுவார்கள். சிந்தனைத் திறன் பெருகும் நாள்.
கன்னி
சொன்ன சொல்லைக் காப்பாற்றத் துடிப்புடன் செயல்படும் நாள். பழைய உறவினர்கள் மற்றும் நண்பர்களை சந்தித்து மகிழ்வீர்கள். சுப நிகழ்ச்சிகளில் கலந்து கொள்வீர்கள். வியாபாரத்தில் சில தந்திரங்களை கற்று கொள்வீர்கள். உத்தியோகத்தில் உங்களின் நிர்வாகத் திறமை வெளிப்படும் நாள். முயற்சியால் முன்னேறும் நாள்.
துலாம்
கணவன்-மனைவிக்குள் நெருக்கம் அதிகரிக்கும் நாள். பணப்புழக்கம் கணிசமாக இருக்கும். நீண்ட நாட்களாக தள்ளிப் போன காரியங்கள் முடியும். விலகி சென்ற உறவினர்கள் வலிய வந்து பேசுவார்கள். வியாபாரத்தில் வேலையாட்கள் உதவுவார்கள். உத்தியோகத்தில் புது வாய்ப்புகள் தேடி வரும். மனசாட்சி படி செயல்படும் நாள்.
விருச்சிகம்
யாருக்கும் பணம் நகை வாங்கித் தருவதில் ஈடுபட வேண்டாம். வியாபாரத்தில் லாபம் மந்தமாகவாகவே இருக்கும். உத்தியோகத்தில் மறைமுக நெருக்கடிகள் வந்து நீங்கும். சிந்தித்து செயல்பட வேண்டிய நாள்.
தனுசு
புதிய எண்ணங்கள் செயல் வடிவம் பெறும் நாள். பிள்ளைகள் பொறுப்புணர்ந்து செயல்படுவார்கள். மனைவி வழியில் உங்களுக்கு ஆதரவு பெருகும். ஆடை ஆபரணம் சேரும். வியாபாரத்தில் வேலையாட்கள் மதிப்பார்கள். உத்தியோகத்தில் சில சூட்சுமங்களை உணர்வீர்கள். தன்னம்பிக்கை துளிர்விடும் நாள்.
மகரம்
குடும்பத்தினருடன் சுப நிகழ்ச்சிகளில் கலந்து கொள்வீர்கள். அதிகார பதவியில் இருப்பவர்கள் உங்களுக்கு உதவுவார்கள். வேற்றுமதத்தவரின் ஆதரவு உங்களுக்கு கிடைக்கும்.உங்களால் வளர்ச்சியடைந்த சிலரை இப்பொழுது சந்திக்க நேரிடும். வியாபாரத்தில் ரெட்டிப்பு லாபம் கிடைக்கும். உத்தியோகத்தில் உயரதிகாரிகள் அதிசயிக்கும் படி நடந்து கொள்வீர்கள். மகிழ்ச்சியான நாள்.
கும்பம்
புதிய முயற்சிகள் யாவும் வெற்றியடையும். பிள்ளைகளின் வருங்காலத் திட்டத்தில் ஒன்று நிறைவேறும் நாள் . அக்கம்-பக்கம் வீட்டாரின் அன்புத் தொல்லை குறையும். வியாபாரத்தில் பழைய பாக்கிகள் உங்களுக்கு வசூலாகும். உத்தியோகத்தில் முக்கிய முடிவுகளை எடுப்பீர்கள். முயற்சிகள் பலிதமாகும் நாள்.
மீனம்
முக்கிய பிரமுகர்களை சந்திப்பீர்கள். வெளியூர் பயணங்களால் அலைச்சல் இருந்தாலும் ஆதாயமும் உண்டு. தாய்வழி உறவினர்களுடன் மனக்கசப்பு வந்து போகும். புது வேலை அமையும். வியாபாரத்தில் அதிரடியான செயல்களால் போட்டிகளை சமாளிப்பீர்கள். உத்தியோகத்தில் எல்லோராலும் மதிக்கப்படுவீர்கள். உழைப்பால் உயரும் நாள்.