இன்று மாலை 6 மணிக்கு சூப்பர் ஸ்டார் ரஜினிகாந்த் நடிப்பில் உருவாகி வரும் அண்ணாத்த படத்தின் முதல் பாடல் வெளியாக உள்ளது.
இயக்குனர் சிறுத்தை சிவா இயக்கத்தில் நடிகர் ரஜினிகாந்த் நடிப்பில் உருவாகியுள்ள திரைப்படம் ‘அண்ணாத்த’. இந்த திரைப்படம் வருகின்ற தீபாவளி பண்டிகையை முன்னிட்டு திரைக்கு வரவுள்ளதாக தெரிவிக்கப்பட்டுள்ளது. இந்நிலையில், இந்த திரைப்படத்தில் ரஜினியுடன் இணைந்து லேடி சூப்பர்ஸ்டார் நயன்தாரா, கோபிசந்த், கீர்த்தி சுரேஷ், சூரி, மீனா, பிரகாஷ்ராஜ், குஷ்பூ, சதீஷ் உள்ளிட்ட பல்வேறு பிரபலங்கள் நடித்துள்ளனர்.
இந்நிலையில், இந்த திரைப்படத்திற்கான ஃபர்ஸ்ட் லுக் போஸ்டர் மற்றும் மோஷன் போஸ்டர் அண்மையில் வெளியாகி ரசிகர்கள் மத்தியில் நல்ல வரவேற்பை பெற்றது. தற்போது இந்த படத்தின் முதல் பாடல் இன்று மாலை 6 மணிக்கு வெளியாக உள்ளது.
எனவே ரஜினிகாந்தின் ரசிகர்கள் அண்ணாத்த படத்தின் முதல் பாடல் வெளியீடுக்காக பெரும் எதிர்பார்ப்புடன் காத்துக்கொண்டிருக்கின்றனர். இது எஸ்.பி.பி பாடிய கடைசி திரைப்பட பாடல் என்பது குறிப்பிடத்தக்கது.