தமிழ் திரையுலகில் பிசியான நடிகராக வலம் வரும் அருண்விஜய், கடைசியாக அவர் நடித்து வெளிவந்த திரைப்படம் மாபியா கலவையான விமர்சனம் பெற்றது அவர் தனது மைத்துனர் இயக்குனர் ஹரி இயக்கும் படத்தில் நடிக்க உள்ளதாக கூறப்படுகிறது.
நடிகர் விஜயகுமாரின் மகனான அருண்விஜய் ,1995-ல் `முறை மாப்பிள்ளை’ படத்தின் மூலம் தமிழ் திரையுலகுக்கு கதாநாயகனாக அறிமுகமானார். பின்னர் ஏராளமான படங்களில் கதாநாயகனாக நடித்திருந்தாலும், முன்னணி நாயகனாக முடியாமல் போராடி வந்தார்.என்னை அறிந்தால் படத்தில் வில்லனாக பின், தொடர்ந்து நடித்த தடம், குற்றம் 23,ஆகிய படங்களின் வெற்றிகள், அருண் விஜய்க்கு திருப்பங்களாக அமைந்தன.
தற்போது அவர் கைவசம் அக்னி சிறகுகள், சினம், பாக்ஸர் போன்ற படங்களும், மிஷ்கின் மற்றும் அறிவழகன் ஆகியோரது பெயரிடப்படாத படம் என பிசியாக நடித்து வருகிறார்.இந்த படங்களை முடித்தவுடன் ஹரியுடன் கூட்டணி சேர்வார் என எதிர்பார்க்க படுகிறது.