சுதந்திர தினத்தை முன்னிட்டு நாம் அனைவரும் வீடுகளில் தேசியக்கொடியை ஏற்ற வேண்டும் என்று சூப்பர் ஸ்டார் ரஜினிகாந்த் தெரிவித்துள்ளார்.
இது தொடர்பாக தனது ட்விட்டர் பக்கத்தில் வீடியோ ஒன்றையும் வெளியிட்டுள்ளார். அந்த வீடியோவில், நம் நாட்டின் 75வது சுதந்திர தினத்தை வரும் 15ம் தேதி கொண்டாட இருக்கிறோம். இந்த சுதந்திரம் கிடைப்பதற்காக பல லட்சம் பேர் எத்தனையோ கொடுமைகள் மற்றும் சித்ரவதைகளை அனுபவித்து இருக்கிறார்கள். எத்தனையோ பேர் தங்களது இன்னுயிரை தியாகம் செய்து இருக்கின்றனர். அந்த சுதந்திர தியாகிகளுக்கு, அந்த சுதந்திர போராட்ட வீரர்களுக்கு மரியாதை செலுத்தும் விதமாக, சாதி, மதம், இனவேறுபாடு இன்றி 2-3 அடி கொம்பில் நமது தேசியக்கொடியை குழந்தைகள் மற்றும் இளைஞர்கள் கையால் பறக்க விடுவோம். நாடு இல்லையென்றால் நாம் இல்லை. ஜெய்ஹிந்த் என்று கூறுகிறார். இந்த வீடியோ தற்போது அதிகமாக வைரலாகி வருகிறது.