மலையாளத்தில் முன்னணி கதாநாயகனாக இருப்பவர் பகத் பாசில். தமிழில் வேலைக்காரன்,சூப்பர் டீலக்ஸ்,விக்ரம் உள்ளிட்ட பல்வேறு படங்களில் நடித்துள்ளார்.
இந்த நிலையில் புதிய தெலுங்கு படம் ஒன்றில் கதாநாயகனாக நடிக்க பகத் பாசிலை ஒப்பந்தம் செய்துள்ளனர். இந்த படத்திற்கு டாப் கியர் என்று பெயர் வைத்து இருப்பதாக அறிவித்துள்ளனர். இந்த பெயர் தற்போது சர்ச்சையை ஏற்படுத்தியுள்ளது. அதாவது, ஸ்ரீதர் ரெட்டி தயாரிப்பில் ஆதி சாய்குமார் நடிக்க டாப் கியர் என்ற பெயரில் படம் ஒன்று தயாராகி வருகிறது. இந்த நிலையில் பகத் பாசில் படத்திற்கும் அதே பெயரை வைக்க எதிர்ப்பு கிளம்பியுள்ளது. இதையடுத்து பகத் பாசில் படத்திற்கு வேறு பெயர் வைக்க வேண்டும் என தயாரிப்பாளர் ஸ்ரீதர் ரெட்டி கூறியுள்ளார்.