விஜய்யின் அடுத்த படத்தை இயக்கினால் என் ஸ்டைலில் எடுப்பேன் என லோகேஷ் கனகராஜ் தெரிவித்துள்ளார்.
’மாநகரம்’ என்ற திரைப்படத்தின் மூலம் தமிழ் திரையுலகில் இயக்குனராக அறிமுகமான இயக்குனர் லோகேஷ் கனகராஜ், அதன் பின்னர் ’கைதி’ என்ற வெற்றி திரைப்படத்தை இயக்கினார். இந்த திரைப்படத்தில் பாடல்கள் மற்றும் ஹீரோயின் இல்லை என்பது குறிப்பிடத்தக்கது. இந்த நிலையில், இரண்டு படங்களின் வெற்றிகளின் காரணமாக தளபதி விஜய்யின் ’மாஸ்டர்’ படத்தை இயக்கிய லோகேஷ் கனகராஜ் அந்த படத்தின் வெற்றியை எதிர்பார்த்து காத்திருக்கிறார்.
இந்த நிலையில் ’மாஸ்டர்’ திரைப்படத்தை 50% விஜய் படமாகவும் 50% என்னுடைய படம் எடுக்க காரணம் விஜய்க்கு இருக்கும் மிகப் பெரிய மார்க்கெட் என்று கூறிய லோகேஷ் கனகராஜ், மீண்டும் விஜய் படத்தை இயக்கும் வாய்ப்பு கிடைத்தால் முழுக்க முழுக்க என்னுடைய ஸ்டைலில் எடுப்பேன் என்றும் அதில் ஹீரோயின், பாடல்கள் மற்றும் சண்டைக்காட்சிகள் ஆகிய மூன்றும் இருக்காது என்றும் கூறியுள்ளார்.
Read more – அரியர் தேர்வு அட்டவணையை பல்கலைக்கழகங்கள் தாக்கல் செய்ய உத்தரவு : சென்னை உயர்நீதிமன்றம்
ஒருவேளை மீண்டும் விஜய் மற்றும் லோகேஷ் கனகராஜ் இணைந்தால் இதுவரை பார்க்காத வித்தியாசமான விஜய்யை திரையில் பார்க்கலாம் என்று விஜய் ரசிகர்கள் கருத்து தெரிவித்து வருகின்றனர் என்பது குறிப்பிடத்தக்கது. அப்படி ஒரு வாய்ப்பு லோகேஷ் கனகராஜ்க்கு கிடைக்குமா? என்பதை பொறுத்திருந்து பார்ப்போம்.