ராஜமவுலி இயக்கத்தில் வெளியாகியுள்ள ‘ஆர்.ஆர்.ஆர்’ படத்தின் முதல் நாள் வசூல் விபரங்கள் வெளியாகி ஒட்டுமொத்த இந்திய திரையுலகத்தையும் ஆச்சரியமடையச் செய்துள்ளது.
தெலுங்கு சினிமாவின் முன்னணி இயக்குநரான ராஜமவுலி, பாகுபலி படத்தை தொடர்ந்து இந்திய சினிமா கவனிக்கும் இயக்குநராக உள்ளார். தற்போது அவருடைய இயக்கத்தில் உருவாகியுள்ள ‘ஆர்.ஆர்.ஆர்’ திரைப்படம் கடந்த வாரம் ரசிகர்களின் எதிர்பார்ப்புக்கு மத்தியில் வெளியானது.
2டி மற்றும் 3டி என இருவேறு தொழில்நுட்பங்களில் வெளியான இப்படம் மிகப்பெரிய பட்ஜெட்டில் உருவாக்கப்பட்டுள்ளது. இந்நிலையில் படத்தின் முதல் நாள் வசூல் குறித்த விபரங்கள் வெளியாகியுள்ளது.
ஆர்.ஆர். ஆர் திரைப்படம் வெளியான முதல் நாளில் ரூ. 257.15 கோடி வசூல் செய்துள்ளது. வெளிநாட்டில் மட்டும் இந்த படம் ரூ. 75 கோடி வசூலித்துள்ளது. ஆர்.ஆர்.ஆர் படம் வெளியாவதற்கு முன்பே ரூ. 750 கோடிக்கு விற்பனை செய்யப்பட்டுள்ளதாக செய்திகள் வெளியானது குறிப்பிடத்தக்கது.