தமிழகத்தில் அஜித்குமாரின் வலிமை படத்தை நள்ளிரவு ஒரு மணிக்கு ரிலீஸ் செய்ய படக்குழு திட்டமிட்டுள்ளதாக தகவல் வெளியாகியுள்ளது.
தமிழ் சினிமாவில் உச்ச நடிகர்களில் ஒருவராக வலம் வருபவர் நடிகர் அஜித்குமார் . நடிகர் அஜித் தற்போது ஹெச் வினோத் இயக்கத்தில் வலிமை படத்தில் நடித்து வருகிறார்.
‘வலிமை’ மிகவும் எதிர்பார்க்கப்படும் இந்திய படங்களில் ஒன்றாகும், மேலும் படம் அடுத்த ஆண்டு பொங்கல் பண்டிகையை முன்னிட்டு வெளிவர உள்ளது.
தன்னை தல அல்லது பிற பட்டப்பெயர்களை சொல்லி அழைக்க வேண்டாம். அஜித், அஜித்குமார் அல்லது AK என்று அழைக்க விரும்புகிறேன் என அவர் ரசிகர்களுக்கு கடிதம் வாயிலாக அன்பான கோரிக்கை ஒன்றினை விடுத்திருந்தார்.
இந்நிலையில் இப்படம் குறித்த லேட்டஸ்ட் தகவல் ஒன்று வெளியாகியுள்ளது. அதன்படி வலிமை படம் முதல் நாள் வசூலில் ரெக்கார்டு பிரேக் செய்ய படக்குழு திட்டமிட்டுள்ளதாம். ‘வலிமை’ படத்தின் ஸ்பெஷல் ஷோக்களுக்கு அனுமதி பெறும் வேலையில் படக்குழுவினர் ஈடுபட்டுள்ளனர்.
இதற்காக நள்ளிரவு 1 மணிக்கு முதல் காட்சியை வைக்க திட்டமிட்டுள்ளனர். இதனால் முதல் நாளிலேயே படத்திற்கு அதிக ஷோக்கள் கிடைக்கும். இதன் மூலம் பாக்ஸ் ஆபிஸிலும் வசூலை குவித்து சாதனை படைக்க முடியும் என்பதால் படக்குழு சிறப்புக் காட்சிக்கு அனுமதி பெற தீவிரமாக உள்ளது. இதற்கு அஜித்குமார் சம்மதிப்பாரா என்பது குறித்த விவரங்கள் தெரியவில்லை. இரண்டு ஆண்டுகளாக வலிமை திரைப்படம் உருவாகி வருவதால் இத்திரைப்படத்தின் மீதான ஆர்வம் ரசிகர்களிடையே அதிகரித்து உள்ளது.
இதனிடையே படத்தின் சரியான ரிலீஸ் தேதி விரைவில் சிறப்பு போஸ்டருடன் வெளியிடப்படும் என்றும் கூறப்படுகிறது.
வலிமை திரைப்படத்தில் இயக்குநர் விக்னேஷ் சிவன் எழுதிய இரண்டாவது சிங்கிள் டிராக் அம்மா பாடல் சமீபத்தில் வெளியிடப்பட்டது. யுவன் சங்கர் ராஜா இசையில் இந்த பாடல் ரசிகர்கள் மத்தியில் நல்ல வரவேற்பை பெற்று வருகிறது.