பொங்கலை குறி வைத்த ‘தல’ அஜித்குமாரின் ‘வலிமை’?!

ஹெச் வினோத் இயக்கத்தில் தல அஜித் குமார் நடிப்பில் உருவாகியுள்ள வலிமை திரைப்படம் வரும் ஜனவரி 12 அன்று பொங்கல் பண்டிகையை முன்னிட்டு திரைக்கு வர திட்டமிடப்பட்டுள்ளதாக தகவல்கள் வெளியாகி உள்ளது.

இத்திரைப்படத்தில் தல அஜித்குமார் உடன் ஹீமா குரேஷி மற்றும் சுமித்ரா உள்ளிட்டோர் முக்கிய கதாபாத்திரங்களில் நடிக்கின்றனர். இந்த திரைப்படத்தில் வில்லனாக RX 100 திரைப்பட புகழ் கார்த்திகேயா நடிக்கிறார். இத்திரைப்படத்தின் ட்ரைலர், ஃபர்ஸ்ட் லுக் ஆகியவை வெளியாகி ரசிகர்கள்களிடம் பெரும் வரவேற்பை பெற்றது.

இதுகுறித்து நடிகர் கார்த்திகேயா தெரிவிக்கும்போது, இத்திரைப் படத்தில் எனக்கு வாய்ப்பு வரும் என நான் எதிர் பார்க்கவே இல்லை. அப்போது நான் ராஜ விக்கிரமார்கா திரைப்பட படப்பிடிப்பில் இருந்தேன். அப்போதுதான் இதில் நடிப்பதற்காக எனக்கு வாய்ப்பு வந்தது. ஹெச். வினோத் மற்றும் தல அஜித் குமாரின் காம்பினேஷன் என்பது எனக்கு மிகப்பெரிய வாய்ப்பு என்பதால் முதலில் நான் ஆச்சரியப்பட்டேன். பிறகு வினோத் சொன்ன அந்த ஸ்கிரிப்ட் என்னை படத்தில் கட்டாயமாக என்னை இணைத்துக் கொள்ள வேண்டும் என்ற ஆர்வத்தை பெருக்கியது. இந்த படத்தை மறுக்க என்னிடம் எந்த காரணமும் இல்லை. இத்திரைப்படத்தில் அஜித் குமார் சார் காவல்துறையை சேர்ந்தவராகவும் நான் ஒரு குற்றவாளியாகவும் நடிக்கிறேன் இந்த திரைப்படத்தில் எனது கதாபாத்திரத்தின் பெயர் கூட மிகவும் வித்தியாசமானது என்று தெரிவித்துள்ளார்.