சூர்யாவுக்கு ஆதரவாக மதுரை ஆட்சியர் அலுவலகத்தில் பழங்குடிகள் கூட்டமைப்பினர் பாம்பு, எலிகளுடன் ஆர்ப்பாட்டம்!!
ஜெய்பீம் திரைப்படத்திற்காக நடிகர் சூர்யாவிற்கு ஆதரவு தெரிவித்து பாம்புகள், எலிகளோடு பழங்குடி மக்கள் ஆட்சியர் அலுவலகம் முன் நூதன முறையில் ஆர்ப்பாட்டம் நடத்தினர். சூர்யாவுக்கு எதிராக அசம்பாவித சம்பவங்கள் நடந்தால் பாம்பை கொண்டு எறிவோம் என அவர்கள் தெரிவித்தனர்.
இயக்குனர் த.செ.ஞானவேல் இயக்கத்தில் நடிகர் சூர்யா, மணிகண்டன், லிஜோமோல் ஜோஸ், பிரகாஷ்ராஜ் உள்ளிட்ட பலர் நடிப்பில் உருவாகியுள்ள படம் ஜெய் பீம். ஓடிடி தளத்தில் கடந்த 2ம்தேதி வெளியான இப்படம் பல்வேறு தரப்பினரின் பாராட்டுதலையும், வரவேற்பையும் பெற்றுள்ளது. இந்நிலையில் ஜெய்பீம் திரைப்படத்தில் வன்னியர் சமூகத்தின் அடையாளமான அக்கினி குண்டத்தை வில்லனின் காலண்டரில் பயன்படுத்தியதாக கூறி சர்ச்சை எழுந்த நிலையில், பாமக-வினர் மற்றும் வன்னியர் சங்கங்களை சேர்ந்தவர்கள் ஜெய்பீம் திரைப்படத்திற்கு கடுமையாக எதிர்ப்பு தெரிவித்தனர்.
அதைத்தொடர்ந்து நேற்றைய தினம் திரைப்படத்தின் பொருட்டு இயக்குநர் ஞானவேல் அவர்களுக்கு வருத்தம் தெரிவித்திருந்தது குறிப்பிடத்தக்கது.