நாளை விஜய் சேதுபதி, ஸ்ருதி ஹாசன் நடிப்பில் உருவாகியுள்ள லாபம் திரைப்படம் திரையரங்குகளில் வெளியாகிறது.
மறைந்த இயக்குனர் எஸ்.பி.ஜனநாதன் இயக்கத்தில் இறுதியாக உருவாகியுள்ள திரைப்படம் லாபம். மக்கள் செல்வன் விஜய் சேதுபதி நடிப்பில் உருவாகியுள்ள இந்த படத்தில் அவருக்கு ஜோடியாக ஸ்ருதிஹாசன் நடித்துள்ளார்.
இமான் இசையமைத்துள்ள இந்த படத்தினை விஜய் சேதுபதியின் தயாரிப்பு நிறுவனம் தயாரித்துள்ளது. கொரோனா இரண்டாவது அலை காரணமாக கடந்த ஏப்ரல் மாதம் திரையரங்குகள் மீண்டும் மூடப்பட்டது. தற்போது தமிழகத்தில் கொரோனா தொற்று குறைந்து வரும் நிலையில், மூடப்பட்ட திரையரங்குகள் அனைத்தும் 50% பார்வையாளர்களுடன் இயங்க அனுமதி அளிக்கப்பட்டுள்ளது. இதனைத் தொடர்ந்து லாபம் திரைப்படம் நாளை திரையரங்குகளில் வெளியாகிறது.
இத்திரைப்படத்தினை திரையரங்குகளில் பார்க்க விஜய் சேதுபதி ரசிகர்கள் ஆர்வத்துடன் காத்திருக்கின்றனர்.