விஜய்சேதுபதி நடிக்கும் இலங்கை அணியின் நட்சத்திர வீரர் முத்தையா முரளிதரனின் வாழ்க்கை வரலாறு திரைப்படத்தின் போஸ்டர் தற்போது இணையத்தில் வைரலாகி வருகிறது.
தமிழகத்தில் பிறந்து இலங்கை கிரிக்கெட் அணிக்காக விளையாடியவர் முத்தையா முரளிதரன் இவரது வாழ்க்கை வரலாற்று திரைப்படத்தில் முத்தையா முரளிதரனாக மக்கள் செல்வன் விஜய் சேதுபதி நடிக்கிறார். டெஸ்ட் கிரிக்கெட்டில் 800 விக்கட்டுகளை வீழ்த்தியுள்ளார். இதனால் இந்த திரைப்படத்திற்கு 800 என பெயரிடப்பட்டுள்ளது.
இந்த திரைப்படத்தை எம் எஸ் ஸ்ரீபதி எழுதி இயக்குகிறார். தார் மோஷன் பிக்சர்ஸ் நிறுவனத்துடன் இணைந்து ராணா இப்படத்தை தயாரிக்கிறார்.
இது கிரிக்கெட் சம்பந்தமான படம் என்பதால், நேற்று நடைபெற்ற சென்னை சூப்பர் கிங்ஸ் – சன்ரைசரஸ் ஹைதராபாத் அணிகள் மோதும் ஐபிஎல் லீக் போட்டியில் முத்தையா முரளிதரனும், விஜய் சேதுபதியும் சேர்ந்து இப்படத்தின் மோஷன் போஸ்டரை வெளியிட்டனர்.
இதில் முத்தையா முரளிதரன் தோற்றத்தில் விஜய் சேதுபதி இருக்கும் போட்டோ இறுதியில் வருகிறது. தற்போது இந்த மோஷன் போஸ்டர் சமூக வலைத்தளங்களில் வைரலாகி வருகிறது. படம் அடுத்த ஆண்டு வெளியாகும் எனத் தெரிகிறது.