விஜய் டிவியில் ஒளிபரப்பாகிவரும் பிக்பாஸ் நிகழ்ச்சியின் ஐந்தாவது சீசன் 50 நாட்களையும் தாண்டி விறுவிறுப்பாக சென்று கொண்டிருக்கும் நிலையில் மொத்தம் 18 போட்டியாளர்களில் இதுவரை சில போட்டியாளர்கள் வெளியேறி உள்ளனர் என்பதும் வெளியேற்றப்பட்ட போட்டியாளர்களின் ஒருவரான அபிஷேக் மீண்டும் ரீஎன்ட்ரி ஆகி உள்ளார். இந்த சீசனில் முதல் முறையாக தற்போது அபினய் கேப்பிடன்சி பொறுப்பை மேற்கொண்டுள்ளார்.
இந்த நிலையில் இன்னும் ஓரிரு நாளில் வைல்ட்கார்ட் எண்ட்ரியாக ஒரு போட்டியாளர் வர வாய்ப்பிருப்பதாகவும் குறிப்பாக டான்ஸ் மாஸ்டர் சதீஸ் அல்லது விஜய்யின் நண்பர் சஞ்சீவ் ஆகிய இருவரில் ஒருவர் உள்ளே வர வாய்ப்பு இருப்பதாகவும் சொல்லப்பட்டது.
இந்த நிலையில் இன்றைய முதலில் புரமோவில் வைல்ட்கார்ட் எண்ட்ரியாக உள்ளே வந்தவர் மற்ற போட்டியாளர்களுடன் சோஃபாவில் அமர்ந்து உள்ளதை பார்த்து பார்வையாளர்கள் ஆச்சரியம் அடைந்துள்ளனர். எந்தவித புரமோவும் இல்லாமல் திடீரென வைல்ட்கார்ட் எண்ட்ரியாக வந்தவர் யார் என்பது குறித்து நெட்டிசன்கள் அலசி ஆராய்ந்து வருகின்றனர்.
இந்த நிலையில் வைல்ட்கார்ட் எண்ட்ரியாக பிக்பாஸ் நிகழ்ச்சிக்கு வந்தவர் டான்ஸ் மாஸ்டர் அமீர் என்று நெட்டிசன்கள் தெரிவித்து வருகின்றனர். இந்த செய்தியின் உண்மை தன்மை குறித்து இன்றைய பிக்பாஸ் நிகழ்ச்சியில் தான் பார்க்க முடியும்.