கணவரை கொன்று வீட்டு தோட்டத்தில் புதைத்து கல்லூரி மாணவனுடன் தலைமறைவு கள்ளக்காதல் ருசிகர சம்பவம் நிகழ்ந்துள்ளது.
விழுப்புரம் மாவட்டம், விக்கிரவாண்டி பகுதியை சேர்ந்தவர் லியோபால்(33) இவரது மனைவி கஜித்ராமேரி(24) இவர்களுக்கு 2 குழந்தைகள் உள்ளனர் இந்த நிலையில் கடந்த மாதம் 3 ஆம் தேதி கழித்து கஜித்ராமேரி சென்னையில் உள்ள தனது மாமனார் சகாயராஜ் செல்போனில் தொடர்பு கொண்டு புதுச்சேரியில் நடந்த திருமண விழாவுக்கு சென்ற லியோபால் நான்கு நாட்கள் ஆகியும் வீடு திரும்பவில்லை என்று தெரிவித்துள்ளார். ஆனால் சகாயராஜ் வீட்டுக்கு வந்தபோது அங்கு காணவில்லை குழந்தைகள் மட்டும் வீட்டின் அருகே விளையாடிக் கொண்டிருந்தன. இதனால் அவருக்கு தனது மருமகள் மீது சந்தேகம் ஏற்பட்டு தொடர்ந்து அவர் போலீசாரிடம் புகார் அளித்துள்ளார் போலீசார் சம்பவ இடத்துக்கு வந்து விசாரித்த போது அவர்களது வீட்டு தோட்டத்தில் புதிதாக பள்ளம் கிடந்தது. இதையடுத்து சந்தேகத்தின் பேரில் அந்த இடத்தை போலீசார் தோண்டிப் பார்த்தபோது லியோபால் புதைக்கப்பட்டிருப்பது தெரியவந்தது.
விசாரணையில் கஜித்ராமேரிக்கும் அவரது வீட்டின் அருகே வசித்து வரும் ராதாகிருஷ்ணன்(20) என்பவருக்கும் தொடர்பு இருப்பது தெரியவந்தது. ராதாகிருஷ்ணன் அந்த பகுதியில் உள்ள ஒரு கல்லூரியில் பி காம் இரண்டாம் ஆண்டு படித்து வருகிறார். அவரது கள்ளக் காதல் விவகாரம் லியோபால் தெரிய வரவே அவரை இருவரும் சேர்ந்து கொலை செய்து விட்டு தோட்டத்தில் புதைத்து விட்டு தலைமறைவாகி இருப்பது தெரியவந்தது. இதனிடையே தலைமறைவான ஜோடியை போலீசார் தீவிரமாக தேடிவந்தனர்.
ராதாகிருஷ்ணன் உறவினர்கள் கேரளாவில் வசித்து வருவதும் அங்கு இவர்கள் சென்று தங்கி இருப்பதும் தெரியவந்தது. இதையடுத்து தனிப்படை போலீசார் அங்கு விரைந்து சென்று அங்கு பதுங்கியிருந்தவர்களை கைது செய்து விக்கிரவாண்டி அழைத்து வந்தனர் கைதான ராதாகிருஷ்ணன் அளித்த வாக்குமூலத்தில் ஏற்கனவே ஒருவரை அடித்துக் கொலை செய்த பாணியை பின்பற்றி லியோ பாலை தீர்த்துக் கட்டியதாக கூறியுள்ளார் அந்த கொலை குறித்து போலீசார் விசாரணை மேற்கொண்டு வருகின்றனர்