இரண்டாம் கட்ட தமிழகம் மீட்போம் காணொலி பொதுக்கூட்ட தேதி அறிவிப்பு

தி.மு.க.வின் இரண்டாம் கட்ட தமிழகம் மீட்போம் காணொலி பொதுக்கூட்டத்திற்கான தேதி அறிவிக்கப்பட்டுள்ளது.

தி.மு.க.வின் இரண்டாம் கட்ட தமிழகம் மீட்போம் காணொலி பொதுக்கூட்டத்திற்கான தேதி அறிவிக்கப்பட்டுள்ளது.
இதுதொடர்பாக, தி.மு.க. தலைமைக் கழகம் இன்று வெளியிட்டுள்ள அறிவிப்பில் கூறியிருப்பதாவது:-

தி.மு.க. பொதுக்கூட்டம்
காணொலி காட்சி மூலமாக ‘தமிழகம் மீட்போம்!’ எனும் தலைப்பிலான 2021-சட்டப்பேரவைத் தேர்தலுக்கான சிறப்புப் பொதுக்கூட்டங்களில் தி.மு.க. தலைவர் கலந்து கொண்டதைத் தொடர்ந்து, இரண்டாவது கட்டமாக சிறப்புப் பொதுக் கூட்டங்கள் கீழே குறிப்பிட்டுள்ள தேதிகளில் வருவாய் மாவட்டங்களுக்கு உட்பட்ட தி.மு.க. மாவட்டங்களை ஒருங்கிணைத்து நடைபெறும்.

நவம்பர் 18 – தருமபுரி, நவம்பர் 21 – சேலம், நவம்பர் 25 – திருநெல்வேலி/தென்காசி, நவம்பர் 29 – திருப்பூர், டிசம்பர் 2 – கிருஷ்ணகிரி.
இவ்வாறு அதில் தெரிவிக்கப்பட்டுள்ளது.