பீமன் போல் வலு பெற வேண்டுமா? வாங்க தயாரிக்கலாம் சத்துமாவு!

காலை டிபன், கஞ்சி, சிற்றுண்டி, சப்பாத்தி பூரி போன்ற பல வகைகளில் பயன்படுத்த மிகவும் ஊட்டச்சத்து கொண்ட இந்த சாது மாவை செய்து பாருங்கள். சுலபமாக நீங்களே வீட்டில் செய்து அனைவரையும் அசத்துங்கள்.

விரும்பினால்:

• கொடுக்கப்பட்ட பொருட்களை எடுத்து கல், மண் போன்ற தேவையற்ற அசுத்தங்கள் இல்லாமல் களைந்து வைத்துக் கொள்ளுங்கள். நல்ல இடத்தில வாங்கினால் நீரில் சுத்தம் செய்யத் தேவையில்லை.
• ஒவ்வொரு பொருளையும் தனித்தனியாக வாணலியில் போட்டு வறுக்க வேண்டும். மிதமான தீயில் அவ்வப்போது கிளறிக் கொண்டே இருங்கள். வாசனை வந்தவுடன் எடுத்து வைத்துக் கொள்ளுங்கள்.
• வறுத்த தானியங்களை நன்றாக ஆற விடுங்கள். ஒரு மெல்லிய சுத்தமான துணி அல்லது 2-3 தட்டுகளில் போட்டு நன்கு ஆற வைத்து அரைக்க வேண்டும்.
• அருகில் மாவு மில் இருந்தால் அங்கு கொடுத்து நன்கு அரைத்துக் கொள்ளலாம்.
• அரைத்தவுடன் மாவு மிகச் சூடாக இருக்கும் என்பதால் மீண்டும் நன்றாக ஆறியவுடன், சுத்தமான காற்று புகாத டப்பாவில் போட்டு வைத்துக் கொள்ளுங்கள்.

எப்படி உட்கொள்வது:

கஞ்சி:

1 ஸ்பூன் மாவுடன் 1 கப் தண்ணீர், 1/4 ஸ்பூன் உப்பு போட்டு மிதமான தீயில் கிளறுங்கள். மாவு வெந்து, கெட்டியானவுடன் இறக்கி மோர் கலந்து குடியுங்கள்.

இனிப்புக் கஞ்சி

வெல்லம் அல்லது பனை வெல்லம் எடுத்து, அதை 1/2 கப் தண்ணீர் விட்டு, அடுப்பில் உருக்கி வடிகட்டுங்கள். பிறகு, முன்பு போல தண்ணீர் அல்லது பாலில் மாவை வேகவைத்து, இந்த வெல்லத்தை ஊற்றி கலக்குங்கள்.

புட்டு:
இந்த மாவை புட்டு மாவாகப் பயன்படுத்தலாம். அரிசி மாவு தேவைப்பட்டால் சேர்த்துக்கொள்ளுங்கள்.

சப்பாத்தி மாவு:
மிகுந்த ஊட்டச்சத்து கொண்ட இந்த மாவு 1/4 சேர்த்து, அதனுடன் 2 கப் கோதுமை மாவு கலந்து சப்பாத்தி, பூரி இவை செய்யலாம்.

சிற்றுண்டி:
இந்த மாவுடன் சிறிது பொடித்த சர்க்கரை அல்லது வெல்லம் சேர்த்து மாலை சிற்றுண்டியாக பயன்படுத்தலாம். நெய் கலந்து லட்டு போல பிடித்து உண்ணலாம். மிகவும் சுவையாக இருக்கும்

தினமும் உணவில் ஊட்டம் கூடி, உடலும் மனதும் வலு பெற்று வாழுங்கள்!