இன்று முதல் ‘பிங்க்’ நிற பேருந்துகள் இயக்கம்

பெண்கள் இலவசமாக பயணம் செய்ய ஏதுவாக, பேருந்துகளை எளிதில் அடையாளம் கானும் வகையில் பிங்க் நிற பேருந்துகள் இன்றுமுதல் அறிமுகப்படுத்தப்படுகின்றன.

தமிழகத்தில் சாதாரண கட்டணம் கொண்ட அரசு பேருந்துகளில் பெண்கள் இலவசமாக பயணம் செய்யும் திட்டத்தை தமிழக அரசு செயல்படுத்தி வருகிறது. இதற்காக, சென்னையில் வெள்ளை நிற போர்டு கொண்ட பேருந்துகளில் பெண்கள் இலவச பயணம் மேற்கொள்ள அனுமதிக்கப்பட்டுள்ளது. எனினும் அவசரத்தில் சில பெண்கள் இலவச பயணத்திற்காக டீலக்ஸ் மற்றும் சொகுசு பேருந்துகளில் ஏறிவிடுகின்றனர். இந்த குழப்பத்தை நீக்கவும், பேருந்துகளை எளிதில்  அடையாளம் காணவும் பிங்க் நிற பேருந்துகள் இன்றுமுதல் இயக்கப்படுகின்றன.

முதற்கட்டமாக 60 பேருந்துகள் தயார் நிலையில் வைக்கப்பட்டுள்ள நிலையில் சேப்பாக்கம் சட்டமன்ற உறுப்பினர் உதயநிதி ஸ்டாலின் தனது தொகுதியில் இத்திட்டத்தை தொடங்கி வைக்கவுள்ளார். இதற்காக, பேருந்தின் முன்பக்கமும், பின்பக்கமும் பிங்க் நிறத்தில் மாற்றப்பட்டுள்ளன. ஆண்கள் இதில் கட்டணம் செலுத்தி பயணிக்கலாம்.