தமிழ் திரையுலகில் இப்போது முன்னணியில் இருக்கும் பல இயக்குநர்களுக்கு முகவரி கொடுத்தது குறும்படங்கள்தான். அந்த வகையில் நேற்று வெளியாகியுள்ளது ‘இயல்’ குறும்படம்.
அந்த வரிசையில் ‘இயல்’ குறும்படத்தின் மூலம் திரைத்துறையின் பார்வையை தன் பக்கம் ஈர்த்துள்ளார் இயக்குநர் அரவிந்த் குமரன்.
இந்த குறும்படத்தில் நாயகனாக அதுல் நடித்துள்ளார். முக்கிய வேடங்களில் ‘நிழல்கள்’ ரவி, பிரதீப் கே.விஜயன், மணிமேகலை உள்ளிட்டோர் நடித்துள்ளனர்.
பி.சி.ஸ்ரீராமின் உதவியாளர் ஜயத் தன்வீர் ஒளிப்பதிவு பணிகளை மேற்கொண்டுள்ளார். ரோஷன் விஷால் இசையமைத்துள்ளார். சண்டை காட்சியை பில்லா ஜெகன் வடிவமைத்துள்ளார்.
தியேட்டரில் வெளியிடுமளவுக்கு பிரம்மாண்டமாக இந்த குறும் படத்தை ஏ.கே.பிலிம் புரொடக்ஷன் சார்பாக ஆர்.குமரன், கே.சுமதி தயாரித்துள்ளனர்.
இந்த உலகத்தில் சாதாரண மனிதர்கள் தான் சாதனையாளர்களாக ஆகின்றனர் என்பதே இந்த குறும்படத்தின் மையக்கருவாகும்.
சமீபத்தில் இந்த குறும்படம் சர்வ தேச திரைப்பட விழாக்களில் திரையிடப்பட்டது.
டோரோண்டோ இண்டர்நேஷனல் ஃபிலிம் பெஸ்டிவல், பாரீஸ் திரைப்பட விழா மற்றும் வேர்ல்ட் பிலிம் கர்னிவால் விழாவில் சிறந்த இயக்குநருக்கான விருது வென்று அசத்தியுள்ளது.
விருதுகள் மூலம் கிடைத்த அங்கீகாரம் எங்களை அடுத்த நகர்வுக்கு அழைத்து சென்றுள்ளன என படக்குழுவினர் மகிழ்ச்சி தெரிவித்துள்ளனர்.
சமீபத்தில் இதன் டிரைலர் வெளியிடப்பட்டது. ரசிகர்கள் மத்தியில் அதற்கான வரவேற்பு அமோகமாக கிடைத்த நிலையில் முழு படத்தையும் விரைவில் ரசிகர்களின் பார்வைக்கு கொண்டு வர முழு வேகத்தில் இறங்கியுள்ளது தயாரிப்பு நிறுவனம்.
இந்நிலையில் இத்திரைப்படத்தினை மக்கள் செல்வன் விஜய் சேதுபதி வெளியிட்டுள்ளார்.
இயலில் பணியாற்றியுள்ள தொழில் நுட்ப கலைஞர்கள் & நடிகர், நடிகைகள்:
நாயகன் : அதுல்
முக்கிய நடிகர்கள் : நிழல்கள் ரவி, பிரதீன் கே.விஜயன், மணிமேகலை
இசை : ரோஷன் விஷால்
ஒளிப்பதிவு : ஜயத் தன்வீர்
எடிட்டிங் : பி.கே – மனோஜ் கிரண்
சண்டை : பில்லா ஜெகன்
காஸ்டியூம்ஸ் : சுரேந்திரன்
புரொடக்ஷன் டிசைனர் : சி.பிரகாஷ்
சவுண்ட் டிசைன் : தனுஷ் நாயனார்
மிக்ஸிங் : ரிபிஷ் – நிக்ஹைல் – செபஸ்டின்
DI : கார்த்திக் சந்திரசேகர்