பிக் பாஸ் வீட்டிற்குள் வைல்ட் கார்டு எண்ட்ரியாக தளபதி விஜய்யின் நண்பர் சஞ்சீவ் வந்துள்ளது இன்றைய இரண்டாவது ப்ரோமோவில் காண்பிக்கப்பட்டுள்ளது. ஒரே வாரத்திலேயே இரண்டு வைல்ட் கார்ட் எண்ட்ரிகள் அனுப்பப்பட்டுள்ளனர்.
பிக் பாஸ் சீசன் 5 தமிழ் நிகழ்ச்சி கடந்த 50 நாட்களுக்கும் மேலாக வெற்றிகரமாக ஒளிபரப்பாகி வருகிறது. ஆரம்பத்தில் 18 போட்டியாளர்கள் கலந்து கொண்ட இந்த நிகழ்ச்சியில், வாரம் ஒவ்வொருவராக எலிமினேட் செய்யப்பட்டு வருகின்றனர். தற்போது பிக் பாஸ் சீசன் வீட்டிற்குள் 13 போட்டியாளர்கள் இருக்கின்றனர்.
இந்நிலையில் ஏற்கனவே கடந்த இரு தினங்களுக்கு முன்பாக விஜய் டிவி புகழ் டான்ஸ் மாஸ்டர் அமீர் வைல்ட் கார்டு எண்ட்ரியாக வந்துள்ள நிலையில், தற்போது இரண்டாவது வைல்ட் கார்டு எண்ட்ரியாக சஞ்சீவ் வந்துள்ளார். வந்ததும் கலகலப்பாக அனைத்து போட்டியாளர்களுடனும் உரையாடுவது போன்ற காட்சிகள் ப்ரோமோவில் காண்பிக்கப்பட்டுள்ளது.