பாண்டியன் ஸ்டோர்ஸ் புகழ் விஜே சித்ரா சென்னை நசரத்பேட்டையில் உள்ள தனியார் நட்சத்திர ஓட்டலில் தூக்கிட்டு தற்கொலை செய்து கொண்டுள்ளார்.
சென்னை:
விஜய் டிவியில் ஒளிபரப்பாகும் பாண்டியன் ஸ்டோர்ஸ் தொடரில் நடித்து வந்த விஜே சித்ரா,முல்லை என்னும் கதாபாத்திரம் மூலம் தமிழக மக்களை தனது நடிப்பால் கவர்ந்து இருந்தார்.கடந்த ஆகஸ்ட் மாதம் இவருக்கும் தொழில் அதிபர் ஒருவருக்கும் நிச்சயதார்த்தம் நடந்து முடிந்து,இன்னும் ஓரிரு மாதங்களில் திருமணம் நடக்க இருந்த நிலையில்,சென்னையை அடுத்த நசரத்பேட்டையில் உள்ள தனியார் நட்சத்திர ஓட்டலில் தூக்கிட்டு தற்கொலை செய்து கொண்டுள்ளார்.
தகவலறிந்து வந்த காவல்துறையினர் அவரது உடலை மீட்டு பிரேத பரிசோதனைக்காக அனுப்பி வைத்தனர். மேலும் அவரது தற்கொலை முடிவுக்கான காரணம் குறித்து போலீசார் விசாரணை நடத்தி வருகின்றனர்.
விஜே சித்ராவின் இந்த விபரீத முடிவால் சின்னத்திரை பிரபலங்கள் மற்றும் அவரின் ரசிகர்களின் இடையே பெரும் சோகத்தை ஏற்படுத்தியுள்ளது.