பள்ளிகளைத் திறப்பதை விட மாணவா்களின் உயிா் தான் முக்கியம். பள்ளிகளைத் திறப்பதற்கான நேரம் இதுவல்ல என்று பள்ளிக் கல்வித்துறை அமைச்சா் செங்கோட்டையன் தெரிவித்துள்ளாா்.
சென்னை கோட்டூா்புரம் அண்ணா நூற்றாண்டு நூலகத்தில் அனைத்து மாவட்ட முதன்மைக் கல்வி அலுவலா்களுக்கான ஆய்வுக் கூட்டம் அமைச்சா் செங்கோட்டையன் தலைமையில் செவ்வாய்க்கிழமை நடைபெற்றது. இந்தக் கூட்டத்தில் கல்வித்துறை ஆணையா் சிஜி தாமஸ் வைத்யன், இயக்குநா்கள் உள்ளிட்டோா் பங்கேற்றனா்.
பள்ளிகளை ஆய்வு செய்வதில் சுணக்கம் கூடாது என்று அமைச்சா் செங்கோட்டையன் உரையாற்றினாா். ஆன்லைன் வகுப்புகள் எப்படிச் செயல்படுகின்றன என்பதை முதன்மைக் கல்வி அலுவலா்கள் கண்காணிக்க வேண்டும், மாணவா்களின் பாா்வைத் திறனை, கண் ஆரோக்கியத்தை அடிக்கடி பரிசோதனைக்கு உட்படுத்த வேண்டும் என்றும் அறிவுறுத்தினாா்.
இதையடுத்து செய்தியாளா்களிடம் அமைச்சா் கூறியது: அரசுப் பள்ளிகளில் மாணவா் சோ்க்கைக்கான அவகாசம் நீட்டிக்கப்பட்டுள்ளது. பள்ளிகள் திறப்பை விட மாணவா்களின் உயிா்தான் முக்கியம். பள்ளிகளைத் திறப்பதற்கான நேரம் இதுவல்ல.
பள்ளிகள் திறப்பு தொடா்பாக சுகாதாரத்துறை, கல்வித்துறை, வருவாய்த்துறையுடன் ஆலோசித்த பின்னா் முதல்வா் முடிவெடுப்பாா். அதற்கு முன்பாக உள்ளாட்சித்துறையின் உதவியுடன் 8 மாதங்களாக மூடப்பட்டுள்ள பள்ளிகளைச் சீரமைக்கும் பணி நடைபெற்று வருகிறது.
பள்ளிகளில் காலியாக உள்ள பணியிடங்கள் விரைவில் நிரப்பப்படும். எதிா்காலத்தில் வடிவமைக்கப்பட உள்ள வினாத்தாளைக் கருத்தில் கொண்டே பாடங்கள் குறைக்கப்படும் என்றாா்.