‘நம்ம வீட்டு பிள்ளை’ சிவகார்த்திகேயன் நடிப்பில் வெளியான ‘டாக்டர்’ நெட்ஃப்ளிக்ஸ் ஓடிடி தளத்தில் டாப் 10 படங்களில் இடம் பிடித்து அசத்தியுள்ளது.
‘ஹீரோ’ படத்திற்குப் பிறகு நெல்சன் திலீப்குமார் இயக்கத்தில் சிவகார்த்திகேயன் ‘டாக்டர்’ படத்தில் நடித்திருந்தார். கடந்த அக்டோபர் 9 ஆம் தேதி தியேட்டர்களில் வெளியான இப்படம் சூப்பர் ஹிட் அடித்து தற்போதுவரை வெற்றிகரமாக ஓடிக்கொண்டிருக்கிறது. 25 நாட்களில் 100 கோடி ரூபாய் வசூல் சாதனையும் நிகழ்த்தியுள்ளது.
பிரியங்கா அருள்மோகன் ஹீரோயினாக நடித்துள்ள இத்திரைப்படத்தில் யோகி பாபு, ரெடின் கிங்ஸ்லி, தீபா, அர்ச்சனா உள்ளிட்டோர் நகைச்சுவை கலந்த நடிப்பில் கவனம் ஈர்த்தார்கள்.
தியேட்டர் வெளியீட்டிற்குப் பிறகான ‘டாக்டர்’ படத்தின் சேட்டிலைட் உரிமையை சன் டிவி கைப்பற்றியிருந்தது. ‘டாக்டர்’ படத்தின் டிஜிட்டல் உரிமையை நெட்ஃபிளிக்ஸ் நிறுவனமும் கைப்பற்றியிருந்தது. அதன் அடிப்படையில், கடந்த 5 ஆம் தேதி ‘டாக்டர்’ தமிழ், தெலுங்கு, கன்னடம்,மலையாளம் என நான்கு மொழிகளில் வெளியானது. தெலுங்கில் ‘வருண்’ டாக்டர்’ என்ற பெயரில் வெளியாகி அங்கும் ஹிட் அடித்தது. இந்த நிலையில், நெட்ஃப்ளிக்ஸ் ஓடிடி தளத்தில் அதிகம் பார்க்கப்பட்ட டாப் 10 படங்களின் வரிசையில் ‘டாக்டர்’ படமும், தெலுங்கில் ’டாக்டர்’ படத்தின் மொழி மாற்றம் செய்யப்பட்ட வெர்ஷன் ‘வருண் டாக்டர் படமும் தற்போது டாப் 10 படங்கள் வரிசையில் இடம்பிடித்துள்ளன. இதனை, இயக்குநர் நெல்சன் திலீப்குமார் அவரது சமூக வலைதளங்களில் பகிர்ந்து மகிழ்ச்சியை வெளிப்படுத்தியுள்ளார்.