‘வலிமை’ படத்தின் மிரட்டலான விசில் தீம் வெளியாகியுள்ளது.
போனி கபூர் தயாரிப்பில் ஹெச்.வினோத் இயக்கத்தில் அஜித்குமார் நடித்துள்ள ‘வலிமை’ பொங்கலையொட்டி தியேட்டர்களில் வெளியாகிறது. இந்த கூட்டணி இணையும் இரண்டாவது திரைப்படம் இதுவாகும். கடந்த டிசம்பர் 14-ஆம் தேதி மேக்கிங் வீடியோ வெளியாகி வரவேற்பைப் பெற்ற நிலையில் தற்போது ‘வலிமை’ படத்தின் விசில் தீம் வெளியிடப்பட்டுள்ளது.
யுவன் ஷங்கர் ராஜா இசையமைத்துள்ளார். ’தீனா’, ’பில்லா’, ’ஏகன்’, ‘பில்லா 2’, ’மங்காத்தா’, ‘ஆரம்பம்’, ‘நேர்கொண்ட பார்வை’ என அஜித், யுவன் கூட்டணியின் பாடல்கள், தீம் மியூசிக், பிஜிஎம் என அனைத்தும் எப்போதும் ரசிகர்களுக்கு சூப்பர் ஹிட்டாக அமைந்தது போன்றே ‘வலிமை’ பாடல்களும் இசையும் அமைந்துள்ளதாக ரசிகர்கள் பதிவிட்டு வருகின்றனர்.
அஜித்குமாரின் பைக் காட்சிகளுக்கும் சண்டைக் காட்சிகளுக்கும், மென்மையான பக்கத்திற்கும் என இரு விதமான இசையை வழங்கியுள்ளார் என்று பாராட்டி வருகிறார்கள் யுவன் ஷங்கர் ராஜா ரசிகர்கள்.