இந்திய அணிக்கு எதிரான 2 வது டெஸ்ட் போட்டியில் அஸ்வின் மற்றும் பும்ராவின் சிறப்பான பந்துவீச்சால் 195 ரன்களில் ஆஸ்திரேலியா அணி ஆல்-அவுட் ஆகியது.
மெல்போர்ன்:
இந்தியா- ஆஸ்திரேலியா அணிகளுக்கு இடையிலான 2 வது டெஸ்ட் போட்டி மெல்போர்ன் மைதானத்தில் இன்று தொடங்கியது.முதலில் டாஸ் வென்ற ஆஸ்திரேலியா அணியின் கேப்டன் டிம் பெய்ன் பேட்டிங்கை தேர்வு செய்தார்.அதனை தொடர்ந்து ஆஸ்திரேலியா அணியின் தொடக்க வீரர்களாக ஜோ பர்ன்ஸ் மற்றும் மேத்யூ வேட் களமிறங்கினர்.
ஜோ பர்ன்ஸ் ரன் எதுவுமின்றி பும்ரா பந்துவீச்சில் வெளியேற, மேத்யூ வேட் 30 ரன்னில் அஷ்வின் பந்துவீச்சில் அவுட் ஆனார். லாபஸ்சாக்னே மற்றும் நிதான ஆட்டத்தை வெளிபடுத்த, மறுமுனையில் அடுத்தடுத்து விக்கெட்கள் வீழ்ந்தது.அரைசதம் அடிப்பார் என்று எதிர்பார்க்கப்பட்ட லாபஸ்சாக்னே 48 ரன்களில் சிராஜ் பந்தில் அவுட் ஆனார்.
இந்திய அணியின் பௌலர்கள் தொடர்ந்து சிறப்பாக பந்துவீச்சை வெளிப்படுத்த ஆஸ்திரேலியா அணி 72.3 ஓவர்களில் அனைத்து விக்கெட்களையும் இழந்து சுருண்டது.
இந்திய அணியில் அதிகபட்சமாக பும்ரா 4 விக்கெட்களையும், அஸ்வின் 3 விக்கெட்களையும் கைப்பற்றி இருந்தனர்.
இந்திய அணி முதல் நாள் ஆட்ட நேர முடிவில் 1 விக்கெட் இழப்பிற்கு 36 ரன்கள் பெற்று இருந்தது.புஜாரா 7 ரன்களுடனும், சுப்மன் கில் 28 ரன்களுடனும் அவுட் ஆகாமல் களத்தில் உள்ளனர்.