இந்தியா அணிக்கு எதிரான 2 வது டெஸ்ட் போட்டி, 2 வது இன்னிங்சில் ஆஸ்திரேலியா அணி 133 ரன்களுக்கு 6 விக்கெட் இழந்து தடுமாறி வருகிறது.
மெல்போர்ன்:
இந்தியா மற்றும் ஆஸ்திரேலியா அணிகள் இடையிலான 2-வது டெஸ்ட் போட்டி மெல்போர்னில் கடந்த 26 ம் தேதி தொடங்கியது. முதலில் டாஸ் வென்ற ஆஸ்திரேலியா அணியின் கேப்டன் டிம் பெய்ன் பேட்டிங்கை தேர்வு செய்தார்.அதனை தொடர்ந்து களமிறங்கிய ஆஸ்திரேலியா அணி முதல் இன்னிங்சில் அனைத்து விக்கெட்டுகளையும் இழந்து 195 ரன்களுக்கு ஆல் அவுட் ஆனது.
இந்திய அணியில் அதிகபட்சமாக பும்ரா 4 விக்கெட்களையும், அஸ்வின் 3 விக்கெட்களையும் கைப்பற்றி இருந்தனர்.முதல் இன்னிங்சை ஆடிய இந்தியா நேற்றைய 2-வது நாள் ஆட்ட நேர முடிவில் 5 விக்கெட் இழப்புக்கு 277 ரன் எடுத்து இருந்தது.கேப்டன் ரஹானே 104 ரன்களுடனும், ஜடேஜா 40 ரன்களுடனும் அவுட் ஆகாமல் களத்தில் இருந்தனர்.
இந்தநிலையில், இன்று மூன்றாவது நாள் ஆட்டத்தின் தொடக்கத்தில் எதிர்பாராத விதமாக கேப்டன் ரஹானே 112 ரன்களில் ரன் அவுட் ஆக, தொடர்ந்து சிறப்பாக விளையாடிய ஜடேஜா தனது 15 வது அரைசதத்தை பூர்த்தி செய்தார்.
சிறப்பான ஆட்டத்தை வெளிப்படுத்திய ஜடேஜா(57 ரன்கள்) ஸ்டார்க் பந்துவீச்சில் அவுட் ஆனார். அதன் பிறகு எஞ்சிய 3 விக்கெட்டுகள் அடுத்தடுத்து சரிய , இந்திய அணி 326 ரன்களுக்கு ஆல் அவுட் ஆனது.
ஆஸ்திரேலியா அணி சார்பில் ஸ்டார்க், நாதன் லயன் தலா 3 விக்கெட்டுகளும், கம்மின்ஸ் 2 விக்கெட்டுகளும், ஹாசல்வுட் ஒரு விக்கெட்டும் கைப்பற்றி இருந்தனர்.
Read more – ஓட்டுநர் இல்லாமல் இயங்கும் முதல் மெட்ரோ ரயில் சேவை : தொடங்கி வைத்தார் பிரதமர் மோடி
அதன் பிறகு களமிறங்கிய ஆஸ்திரேலியா அணி 99 ரன்களுக்கு 6 விக்கெட்களை இழந்து தடுமாறியது.அடுத்து உள்ளே வந்த இளம் வீரரான கிரீன் மற்றும் கம்மின்ஸ் ஜோடி பொறுப்புடன் விளையாடி வருகின்றனர்.
3 வது நாள் ஆட்ட நேர முடிவில் ஆஸ்திரேலியா அணி 6 விக்கெட் இழப்பிற்கு 133 ரன்களை பெற்றுள்ளது. கிரீன் 17 ரன்களுடனும், கம்மின்ஸ் 15 ரன்களுடனும் அவுட் ஆகாமல் களத்தில் உள்ளனர்.
இந்திய அணியில் ஜடேஜா 2 விக்கெட்களும், பும்ரா, சிராஜ், அஸ்வின், உமேஷ் யாதவ் தலா 1 விக்கெட்டுகளையும் கைப்பற்றி உள்ளனர்.