இன்று நடைபெறும் 20ஓவர் மகளிர் கிரிக்கெட் போட்டியில் இந்திய அணி பாகிஸ்தான் அணியுடன் மோதுகிறது.
72 நாடுகள் பங்கேற்றுள்ள 22வது காமன்வெல்த் போட்டிகள் இங்கிலாந்தின் பர்மிங்காம் நகரில் கோலாகலமாக நடைபெற்று வருகிறது. இந்த போட்டியில் முதன்முறையாக மகளிர் கிரிக்கெட் போட்டியை நடத்த அனுமதி வழங்கப்பட்டுள்ளது.
காமன்வெல்த் போட்டியின் ஏ பிரிவில் இடம்பெற்றுள்ள ஹர்மன்ப்ரீத் தலைமையிலான இந்திய அணி இன்று பாகிஸ்தான் அணியுடன் மோதுகிறது. முன்னதாக, ஆஸ்திரேலிய அணியுடன் நடைபெற்ற போட்டியில் இந்திய அணி தோல்வியை தழுவிய நிலையில், இப்போட்டியில் வெற்றிபெற கடுமையாக போராடும். இந்த போட்டி இந்திய நேரப்படி இன்று பிற்பகல் 3:30 மணிக்கு தொடங்குகிறது.