டெல்லி அணி சிறப்பாக பந்துவீசி ராஜஸ்தான் அணியின் வெற்றியை தட்டி பறித்தது.
ராஜஸ்தான் ராயல்ஸ் அணிக்கு எதிரான இன்றைய ஐ.பி.எல் ஆட்டத்தில் டெல்லி கேபிட்டல்ஸ் அணி டாஸ் வென்று பேட்டிங்கை தேர்வு செய்தது.அதனை தொடர்ந்து டெல்லி அணியில் தவான் மற்றும் ஐயரின் அரைசதத்தால் ராஜஸ்தான் அணிக்கு 162 ரன்கள் இலக்காக வழங்கியது.
ராஜஸ்தான் அணியில் தொடக்க வீரர்களாக பென் ஸ்டோக்ஸ்,பட்லர் களம் இறங்க,ஆரம்பம் முதல் அதிரடியை வெளிப்படுத்திய பட்லர் 9 பந்துகளில் 22 ரன்கள் அடித்து நோர்கியா வீசிய 3 வது ஓவரில் கிளீன் போல்ட் ஆக,அடுத்து வந்த கேப்டன் ஸ்மித்தும் 1 ரன்களில் அவுட் ஆனார்.ஸ்டோக்ஸ் உடன் இணைந்த சஞ்சு சாம்சனும் அக்சார் வீசிய அடுத்தடுத்த ஓவர்களில் 2 சிக்ஸர்களை பறக்கவிட,மறுமுனையில் அடித்து ஆடிய ஸ்டோக்ஸ்( 41 ரன்கள்,35 பந்துகள்)துஷார் வீசிய 11 வது ஓவரில் தூக்கி அடிக்க பார்த்து அவுட் ஆனார்
.ராஜஸ்தான் அணி 11 ஓவர் முடிவில் 3 விக்கெட் இழப்பிற்கு 95 ரன்கள் எடுத்து இருக்க,அக்சார் வீசிய 12 வது ஓவரில் சஞ்சு சாம்சன்(25 ரன்கள்,18 பந்துகள்) கிளீன் போல்ட் ஆனார்.மிக நீண்ட நாட்களுக்கு பிறகு உத்தப்பா நம்பிக்கையுடன் களம் இறங்கி அடுத்த ஓவர் வீசிய நோர்கியா பந்தில் ஒரு பௌண்டரி,ஒரு சிக்ஸர் ஓட விட,கடைசி ஆட்டத்தில் பொறுப்புடன் விளையாடி ராஜஸ்தான் அணியை வெற்றிப்பெற வைத்த ரியான் பராக் 1 ரன்களில் ரன் அவுட்டாகி நடையை கட்டினார்.17 ஓவர் முடிவில் ராஜஸ்தான் அணி 5 விக்கெட் இழந்து 133 ரன்கள் எடுத்து இருக்க,திவாதியா ஓரளவு நம்பிக்கை அளிக்க,மறுமுனையில் உத்தப்பா(32 ரன்கள்,27 பந்துகள்) நோர்கியா வீசிய 18 வது ஓவரில் கிளீன் போல்ட் ஆனார்.அடுத்த ஓவரில் ஆர்ச்சரும் 1 ரன்னில் வெளியேற,6 பந்துகளில் 22 ரன்கள் தேவையாக ராஜஸ்தான் அணிக்கு தேவையாக இருந்தது.அந்த ஓவரில் 7 ரன்கள் மட்டுமே விட்டுக்கொடுத்து 1 விக்கெட்டை கைப்பற்றினார் துஷார்.
20 ஓவர் முடிவில் ராஜஸ்தான் அணி 8 விக்கெட் இழந்து 148 ரன்கள் மட்டுமே அடித்து தோல்வியை தழுவியது.டெல்லி அணி 13 ரன்கள் வித்தியாசத்தில் வெற்றி பெற்றது.
டெல்லி அணி சார்பில் துஷார்,நோர்கியா அதிகபட்சமாக தலா 2 விக்கெட்களை கைப்பற்றி இருந்தனர்.
டெல்லி அணியின் வெற்றிக்கு முக்கிய காரணமாய் இருந்த நோர்கியாக்கு ஆட்ட நாயகன் விருது வழங்கப்பட்டது.