நடப்பாண்டு ரேஷன் கடைகள் 11 நாட்கள் விடுமுறை விடப்படும் என்று தமிழக உணவுத்துறை அறிவிப்பு வெளியிட்டுள்ளது.

தமிழ்நாட்டில் பொது விநியோகத் திட்டத்தின் கீழ் ரேஷன் கடைகள் மூலம் மலிவு விலையில் பொருட்கள் விற்கப்பட்டு வருகின்றன. இதற்காக பல்வேறு வகையான ரேஷன் அட்டைகள் வழங்கப்பட்டுள்ளன. அதில் தங்களுக்கு ஏற்ற குடும்ப அட்டைகளை தேர்வு செய்து விண்ணப்பித்து பெற்றுக் கொள்ளலாம். PHH என்று குறிப்பிட்ட ரேஷன் அட்டை வைத்திருந்தால் முன்னுரிமை குடும்ப அட்டை என்று பொருள்படும். இதற்கு அனைத்து பொருட்களும் கிடைக்கும். PHH – AYY என்று குறிப்பிட்ட ரேஷன் அட்டைகள் முன்னுரிமை குடும்ப அட்டை அந்தியோதயா அன்ன யோஜனா என்று பொருள்படும்.

இதற்கு 35 கிலோ அரிசி உள்ளிட்ட அனைத்து பொருட்களும் கிடைக்கும். NPHH என்று குறிப்பிட்டவை முன்னுரிமையற்ற அரிசி குடும்ப அட்டைகள் என்று பொருள்படும். இதற்கு அனைத்து பொருட்களும் கிடைக்கும். NPHH – S என்று குறிப்பிட்ட ரேஷன் அட்டைகள் முன்னுரிமையற்ற சர்க்கரை அட்டைகள் என்று பொருள்படும். அரிசி தவிர மற்ற அனைத்துப் பொருட்களும் கிடைக்கும். NPHH – NC என்று குறிப்பிட்ட ரேஷன் அட்டைகள் பொருட்களில்லா அட்டை எனப்படும். இதற்கு எந்தவிதப் பொருட்களும் கிடைக்காது. தமிழக குடும்பங்களுக்கு 2,11,93,724 ரேஷன் அட்டைகள் வழங்கப்பட்டுள்ளன. இதன்மூலம் 6,82,12,884 பேர் பயனடைந்து வருகின்றனர்.

Read more : மேக் இன் இந்தியா தயாரிப்புகளை உலகளவில் ஏற்றுக்கொள்ள உறுதி செய்ய வேண்டும் : பிரதமர் மோடி பேச்சு

இந்நிலையில், நடப்பாண்டிற்கான விடுமுறை நாட்கள் குறித்த அறிவிப்பை தமிழக உணவுத்துறை வெளியிட்டுள்ளது. அதன்படி, ஜனவரி 14, ஜனவரி 26, ஏப்ரல் 14, மே 1, மே 14, ஆகஸ்ட் 15, செப்டம்பர் 10, அக்டோபர் 2, அக்டோபர் 15, நவம்பர் 4, டிசம்பர் 25 ஆகிய 11 நாட்கள் ரேஷன் கடைகளுக்கு விடுமுறை விடப்பட்டுள்ளது. இதுதவிர வார விடுமுறை நாட்களும் இருக்கின்றன. இந்த நாட்களை கருத்தில் கொண்டு பொதுமக்கள் ரேஷன் பொருட்களை தகுந்த நாட்களில் சென்று பெற்றுக் கொள்ளலாம் என்று கேட்டுக் கொள்ளப்பட்டுள்ளது.