‘முதல்வர் நாற்காலி மேல் ஆசைப்படுபவன் நான் அல்ல’ – முதல்வர் பழனிசாமி

‘முதல்வர் நாற்காலி மேல் ஆசைப்படுபவன் நான் அல்ல’ என முதல்வர் பழனிசாமி பிரச்சாரத்தில் பேசியுள்ளார்.

நாமக்கல்:

தமிழக சட்டசபை தேர்தல் 2021  மே மாதம் நடைபெற உள்ளது. தேர்தலுக்கு இன்னும் சில மாதங்கள் போதும் பல்வேறு அரசியல் கட்சிகளும் பிரசாரத்தை தற்போதே தொடங்கிவிட்டன. இதனால், தமிழக அரசியல் களம் தற்போதே சூடுபிடிக்கத்தொடங்கிவிட்டது.

அந்த வகையில், அதிமுக  முதல்வர் வேட்பாளராக அறிவிக்கப்பட்டுள்ள முதல்வர் எடப்பாடி பழனிசாமி கடந்த 19-ந்தேதி, தனது சொந்த தொகுதியான எடப்பாடியில் இருந்து பிரசாரத்தை தொடங்கினார். தொடர்ந்து, பல்வேறு இடங்களில் பிரசாரம் மேற்கொண்டு முதற்கட்ட பயணத்தை நிறைவு செய்தார்.

Read more – ‘ராமர் கோவில் கட்டுமானத் திட்ட செலவு ரூ.1,100 கோடி’ : அயோத்தி கோவில் நிர்வாகம் அறிவிப்பு

இந்நிலையில், நாமக்கல்லில் இன்று 2-வது கட்டமாக முதலமைச்சர் எடப்பாடி பழனிசாமி தேர்தல் பிரசாரத்தில் ஈடுபட்டு வருகிறார். அம்மாவட்டத்தின் முதலைப்பட்டி பகுதியில் வீடு வீடாக சென்று முதலமைச்சர் பழனிசாமி பிரசாரம் மேற்கொண்டார். அப்போது பிரச்சாரத்தில் ‘முதல்வர் நாற்காலி மேல் ஆசைப்படுபவன் நான் அல்ல’ என மக்கள் முன் பேசியுள்ளார்.