‘ஒன் நேஷன்-ஒன் ரேஷன் கார்டு’ திட்டம் ‘மேரா ரேஷன்’ ஆப் அறிமுகம் செய்யப்பட்டுள்ளது.
வாழ்வாதாரத்திற்காக புதிய இடங்களுக்குச் செல்லும் ரேஷன் கார்டு வைத்திருப்பவர்களுக்கு உதவும் இந்த புதிய மொபைல் ஆப் தற்போது Android இயங்குதளத்தில் அணுக கிடைக்கிறது. ஒன் நேஷன் ஒன் ரேஷன் கார்டு அமைப்பானது நாட்டில் சுமார் 69 கோடி தேசிய உணவு பாதுகாப்பு சட்டம் (என்.எஃப்.எஸ்.ஏ) பயனாளிகளை உள்ளடக்கியது. என்.எஃப்.எஸ்.ஏ-வின் கீழ், 81 கோடிக்கும் அதிகமான மக்களுக்கு பொது விநியோக முறை (பி.டி.எஸ்) மூலம் கிலோவுக்கு ரூ.1 – 3 வரை என்கிற அளவில் அரசாங்கம் ‘அதிக மானியத்துடன் கூடிய உணவு தானியங்களை’ வழங்குகிறது.
தேசிய தகவல் மையம் (என்ஐசி) உருவாக்கிய இந்த ஆப் தற்போது ஆங்கிலம் மற்றும் இந்தி மொழியில் அணுக கிடைக்கிறது. புலம்பெயர்ந்தோர் பெரும்பாலும் செல்லும் இடங்களின் அடிப்படையில் 14 வெவ்வேறு மொழிகளில் ஆப்பைப் பெற அரசாங்கம் திட்டமிட்டுள்ளது. புதிய மேரா ரேஷன் மொபைல் ஆப்பிலிருந்து பயனடைய, பயனர்கள் தங்கள் ரேஷன் கார்டு செயலில் உள்ளதா இல்லையா என்பதை சரிபார்க்க வேண்டும் (அவர்கள் வசிக்கும் மாநிலத்தின் உணவு, சிவில் சப்ளைஸ் மற்றும் நுகர்வோர் விவகாரங்கள் துறையின் அதிகாரப்பூர்வ வலைத்தளம் வழியாக). அதை சரிபார்த்தவுடன் அவர்கள் இந்த எளிய வழிமுறைகளைப் பின்பற்றலாம்.
கூகுள் பிளே ஸ்டோருக்குச் சென்று சர்ச் பாரில் Mera Ration என்று டைப் செய்து அதிகாரபூர்வ ஆப்பை கண்டுபிடிக்கவும். அதிகாரப்பூர்வ மேரா ரேஷன் ஆப் ஆனது CENTRAL AEPDS TEAM வழியாக உருவாக்கம் பெற்று இருக்கும்.
அதை இன்ஸ்டால் செய்யவும், பதிவிறக்கம் செய்யப்பட்டவுடன், உங்கள் மொபைலில் ஆப்பைத் திறந்து உங்கள் ரேஷன் கார்டை பதிவு செய்யுங்கள்
பதிவு செய்ய, Registration விருப்பத்தை கிளிக் செய்யவும். உங்கள் ரேஷன் கார்டு எண்ணை உள்ளிடவும்
ரேஷன் கார்டு எண்ணை உள்ளிட் பின்னர் Submit பட்டனை கிளிக் செய்யவும்.
காணப்படும் Know your entitlement என்கிற (உங்கள் உரிமையை அறிந்து கொள்ளுங்கள்) விருப்பத்தைத் கிளிக் செய்வதின் வழியாக உங்கள் உரிமையை நீங்கள் சரிபார்க்கலாம். அவ்வாறு செய்ய, உங்கள் ரேஷன் கார்டு அல்லது ஆதார் கார்டு எண்ணை உள்ளிட வேண்டும்.
இந்த ஆப் ONORC தகுதியையும் சரிபார்க்க அனுமதிக்கிறது. இந்த தகுதக்கான அளவுகோல்களைத் தேர்ந்தெடுத்து தேவையான தகவல்களை நிரப்புவதன் மூலம் உங்களுக்கான விவரங்களை நீங்கள் சரிபார்க்கலாம்.