இந்தியாவில் தொடங்கிய ஆடி கியூ2 காருக்கான முன்பதிவு.. ரூ.2 லட்சம் போதுமானது

ஆடி நிறுவனத்தின் புதிய ரக காருக்கான முன்பதிவு இந்தியாவில் தொடங்கியுள்ளது.

கொரோனா பரவலுக்கு மத்தியிலும், நடப்பாண்டில் ஆடி நிறுவனம் வெளியிடும் ஐந்தாவது கார் மாடல் கியூ2 எஸ்யூவி ஆகும். செப்டம்பர் மாதத்தில் கியூ2 எஸ்யுவி மாடலுக்கான டீசர் வெளியான நிலையில், தற்சமயம் அதற்கான முன்பதிவு தொடங்கியுள்ளது.

கியூ2 மாடலுக்கான முன்பதிவு கட்டணம் 2 லட்சம் ரூபாய் என நிர்ணயம் செய்யப்பட்டுள்ளது.
பயனர்கள் புதிய கார் முன்பதிவை ஆடி அதிகாரப்பூர்வ விற்பனை மையம் அல்லது வலைதளத்தில் மேற்கொள்ள முடியும்.

கியூ2 மாடல் எம்க்யூபி பளாட்பார்மில் உருவாக்கப்பட்டு உள்ளது . இதே பிளாட்பார்ம் தான் ஃவோக்ஸ்வேகன் நிறுவனத்தின் டி ராக் மாடலிலும் பயன்படுத்தப்பட்டு உள்ளது. அளவில் இந்த கார் 4191mm நீளம், 1794mm அகலம், 1508mm உயரம் கொண்டதாகவும், வீல்பேஸ் 2601mm உடையதாகவும் வடிவமைக்கப்பட்டு உள்ளது.

ஆடி கியூ2 மாடலில் வழங்கப்பட்டுள்ள 2.0 லிட்டர் டர்போ பெட்ரோல் என்ஜின், 188 பிஹெச்பி பவர், 320 என்எம் டார்க் செயல்திறன் வழங்குகிறது. இத்துடன் 7 ஸ்பீடு டூயல் கிளட்ச் ஆட்டோமேடிக் டிரான்ஸ்மிஷன் கொடுக்கப்பட்டுள்ளது.

இத்துடன் புதிய மாடலில் சிங்கில் பிரேம் கிரில், எல்இடி முகப்பு விளக்குகள், சில்வர் ஸ்கிட் பிளேட்கள், பிளாக் பாடி கிளாடிங், பிளாக்டு அவுட் பி பில்லர், ஷார்க் பின் ஆன்டெனா, எல்இடி டெயில் லைட்கள் மற்றும் டூயல் டிப் எக்சாஸ்ட்களும் வழங்கப்பட்டுள்ளன.