’ஜெயம்’ ரவியின் ‘பூமி’ படம் ஓடிடியில் நேரடியாக வெளியாக இருக்கிறது என்பதை படக்குழு உறுதி செய்துள்ளது.
‘பொன்மகள் வந்தாள்’, ‘பெண்குயின்’, ‘சூரரைப்போற்று’ என பல படங்களை தொடர்ந்து தற்போது ‘ஜெயம்’ ரவியின் 25வது படமான ’பூமி’யும் ஹாட் ஸ்டார் ஓடிடி தளத்தில் பொங்கல் அன்று வெளியாக இருப்பதை படக்குழு அதிகாரப்பூர்வமாக அறிவித்துள்ளது.
’ரோமியோ ஜூலியட்’, ‘போகன்’ படங்களுக்கு பிறகு இயக்குனர் லக்ஷ்மணன் ரவியுடன் மூன்றாவது முறையாக கூட்டணி சேர்ந்திருக்கிறார். விவாசாயி, நாசா விஞ்ஞானி என கதாப்பாத்திரங்களில் அசத்தியுள்ளார் ‘ஜெயம்’ ரவி.
READ MORE- ‘கோப்ரா’ செகண்ட் லுக் அவுட்!
படம் ஓடிடியில் வெளியாவது குறித்து பகிர்ந்து கொண்ட அவர், ‘இது எனக்கு 25வது படம் என்பதால் மனதிற்கு நெருக்கமானது. உங்களுடன் திரையரங்குகளில் பார்த்து ரசிக்கவே காத்திருந்தேன்.
ஆனால், காலம் அதற்கு அனுமதியளிக்கவில்லை. இப்போது ‘பூமி’ உங்கள் வீடு தேடி வந்துள்ளது. உங்களுடன் சேர்ந்து பொங்கலை கொண்டாடுவதில் மகிழ்ச்சி’ என தெரிவித்துள்ளார்.