தொழிலதிபரை மிரட்டி ₹200 கோடி மோசடி செய்த வழக்கில் கடந்த 2019ம் ஆண்டு அமலாக்கத்துறையினரால் சுகேஷ் என்பவர் கைது செய்யப்பட்டார். அவரின் நெருங்கிய நண்பரான பாலிவுட் நடிகை ஜாக்குலின், அவரிடம் இருந்து பலகோடி ரூபாய் மதிப்புள்ள பரிசு பொருட்களை பெற்றது விசாரணையில் தெரியவந்தது. இதையடுத்து, அமலாக்கத்துறை துணை குற்றப்பத்திரிகையை தாக்கல் செய்தது.அதில் ஜாக்குலின் குற்றவாளி என தெரிவிக்கப்பட்டுள்ளது.
இந்நிலையில், இதுகுறித்து நடிகை ஜாக்குலின் கருத்து தெரிவித்துள்ளார். அதில், நான் அதிகாரிகளின் விசாரணைக்கு முழு அளவில் ஒத்துழைப்பு கொடுத்தேன். சுகேஷின் வலையில் சிக்கிக் கொண்டு பாதிக்கப்பட்ட என்னை, அமலாக்கப்பிரிவு அதிகாரிகள் பாதிக்கப்பட்ட பெண்ணாகவே பார்க்க மறுக்கின்றனர்.எனக்கு எதிரான குற்றச்சாட்டுகள் ஆதாரமற்றவையாக இருக்கிறது. சுகேஷிடம் நான் மட்டும் பரிசு பொருட்களை வாங்கவில்லை. நடிகை நூரா பதேஹி உள்ளிட்ட பல பிரபலங்களும் வாங்கினர். ஆனால் நான் மட்டும் குற்றவாளியாக குற்றம் சுமத்தப்பட்டு இருக்கிறேன். இது அதிகாரிகளின் பாரபட்சமான அணுகுமுறை என்று கூறியுள்ளார்.
சுகேஷ், அதிமுகவில் பிளவு ஏற்பட்ட போது இரட்டை இலை சின்னத்தை பெற்றுத்தருவதாக கூறிய லஞ்சம் வாங்கிய புகாரில் சிக்கிக்கொண்டவர் என்பது குறிப்பிடத்தக்கது.