மணிரத்னம் இயக்கத்தில் இரண்டு பாகங்களாக உருவாகியுள்ள பொன்னியின் செல்வன் திரைப்படத்தின் முதல்பாகம் செப்டம்பர் 30ம் தேதி திரையரங்குகளில் வெளியாகிறது.
நாளை பொன்னியின் செல்வன் -1 திரைப்படத்தின் டிரைலர் மற்றும் இசை வெளியீட்டு விழா சென்னை, நேரு உள்விளையாட்டரங்கில் மிக பிரமாண்டமாக நடைபெறவுள்ளது. இதில் நடிகர்கள் ரஜினிகாந்த், கமல்ஹாசன் பங்கேற்கவிருக்கின்றனர். இந்த நிலையில், பொன்னியின் செல்வன் கதையில் வரும் கதாபாத்திரங்கள் குறித்த அப்டேட்டை படக்குழு வெளியிட்டு வருகிறது.
அந்த வகையில், பொன்னியின் செல்வன் கதையில் வரும் முக்கிய கதாபாத்திரமான ஆழ்வார்க்கடியான் நம்பி போஸ்டரை படக்குழு வெளியிட்டுள்ளது. இந்த போஸ்டரை பகிர்ந்துள்ள கார்த்தி “ஓய் நம்பி இங்கேயும் வந்துவிட்டாயா…. உம்மை மட்டும் block செய்யவும் முடியவில்லை report பண்ணவும் முடியவில்லை…. சரியான தொல்லையப்பா” என குறிப்பிட்டுள்ளார்.