இசையமைக்க தயாராகிறார் மிஷ்கின்

டெவில் என பெயரிடப்பட்டுள்ள படத்தின் மூலம் இயக்குனர் மிஷ்கின் இசையமைப்பாளராக அறிமுகமாகி இருக்கிறார். சென்னை, ‘சவரக்கத்தி’ படத்தின் இயக்குனர் ஆதித்யா இயக்கத்தில் ‘டெவில்’ திரைப்படம் வெளியாக உள்ளது. இதில் விதார்த், பூர்ணா, ஆதித் அருண் ஆகியோர் முக்கிய கதாபாத்திரத்தில் நடிக்கின்றார்கள். மிக முக்கியமான திருப்புமுனை கதாபாத்திரத்தில் இயக்குனர் மிஷ்கின் நடிக்கிறார். மாருதி பிலிம்ஸ் தயாரிக்கும் இந்த படத்திற்கு கார்த்திக் முத்துகுமார் ஒளிப்பதிவு பணிகளைச் செய்கிறார். இந்த படத்தின் மூலம் இயக்குனர் மிஷ்கின் இசையமைப்பாளராக அறிமுகமாகியுள்ளார். இந்நிலையில் மிஷ்கின் இசையமைத்துள்ள ‘டெவில்’ படத்தின் முதல் பாடலான ‘கலவி’ என்ற பாடலை சமீபத்தில் படக்குழு வெளியிட்டுள்ளது. இந்த பாடல் ரசிகர்களிடையே நல்ல வரவேற்பை பெற்று வைரல் ஆகி வருகிறது என்பது குறிப்பிடத்தக்கது.