பொன்னியின் செல்வன் படத்தில் அதிரடி மாற்றம்…இயக்குனர் பாலாஜி சக்திவேல் இணைத்தார்?

மாபெரும் பொருட்செலவில் எடுக்கப்பட்டு கொண்டு இருக்கின்ற கல்கி எழுதிய ‘பொன்னியின் செல்வன்’ நாவல் தமிழ், இந்தி, தெலுங்கு, மலையாளம் மொழிகளில் சினிமா படமாகிறது.

பெரும் நட்சத்திர பட்டாளங்கள் நடிக்கும் இப்படத்தை மணிரத்னம் இயக்குகிறார் லைக்கா ப்ரோடுக்சன் தயாரிக்கிறது என்பது குறிப்பிடத்தக்கது இப்படத்தில் வந்தியத்தேவனாக நடிகர் கார்த்தியும், அருள்மொழிவர்மனாக ஜெயம்ரவியும், சுந்தரசோழனாக அமிதாப்பச்சனும், ஆதித்த கரிகாலனாக நடிகர் விக்ரமும், குந்தவையாக திரிஷா, நந்தினி வேடத்தில் ஐஸ்வர்யா ராயும் நடிக்கின்றனர்.

மேலும் கதைப்படி பெரிய பழுவேட்டரையர் மற்றும் சின்ன பழுவேட்டரையர் ஆகிய இரண்டு கதாபாத்திரங்களில் பிரபு மற்றும் சரத்குமார் நடிப்பதாக இருந்தது. தற்போது அவர்கள் இருவருக்கும் வேறு கதாபாத்திரம் கொடுக்கப்பட்டுள்ளதாக தகவல் கிடைத்துள்ளது. இதனை யடுத்து சின்ன பழுவேட்டரையர் வேடத்தில் நிழல்கள் ரவி நடிக்க ஒப்பந்தமாகி உள்ளதாக ஏற்கனவே செய்திகள் வெளியாகின.

இந்நிலையில், இப்படத்தில் பிரபல இயக்குனர் பாலாஜி சக்திவேல் பெரிய பழுவேட்டரையர் வேடத்தில் நடிக்க உள்ளதாக கூறப்படுகின்றது. இவர் ஏற்கனவே அசுரன், வானம் கொட்டட்டும் போன்ற படங்களில் நடித்துள்ளார். அதுமட்டுமின்றி சாமுராய், காதல், கல்லூரி, வழக்கு எண்18/9 போன்ற படங்களை இயக்கி உள்ளார் என்பது குறிப்பிடத்தக்கது.