கவிஞர் வைரமுத்து மருத்துவமனையில் அனுமதி. உண்மை என்ன?

உடல்நலக் குறைவு காரணமாக கவிஞர் வைரமுத்து மருத்துவமனையில் அனுமதிக்கப்பட்டுள்ளதாக வெளியான தகவல் தமிழ் திரையுலகை அதிர்ச்சியில் ஆழ்த்தியுள்ளது. நடந்தது என்ன?

கவிஞரும் பாடலாசிரியருமான வைரமுத்துவுக்கு திடீரென ஏற்பட்ட உடல்நல குறைவு காரணமாக சென்னை, ஆயிரம் விளக்கு பகுதியில் உள்ள ஒரு மருத்துவமனையில் அனுமதிக்கப்பட்டுள்ளதாக தகவல் வெளியானது.

இது அவருடைய ரசிகர்களுக்கும் திரையுலகினருக்கும் அதிர்ச்சியளிக்கும் ஒரு செய்தியாக அமைந்துள்ளது. கொரோனா தொற்றும், திரையுலகில் அடுத்தடுத்து நடக்கும் சம்பவங்களும் பலருக்கும் பெரும் இழப்பாக இருக்கும் இந்த நேரத்தில் கவிஞருக்கு உடல் நல குறைவு என்ற செய்தி தீயாக பரவியது.

இருதய கோளாறு உள்ளிட்ட பிரச்சனைகள் காரணமாக அவர் மருத்துவமனையில் அனுமதிக்கப்பட்டுள்ளார் என சொல்லப்பட்டது. இந்த செய்தி குறித்து தற்போது வைரமுத்து தரப்பே விளக்கம் அளித்துள்ளது.

READ MORE- #Thalapathy65 ஷூட் மற்றும் ரிலீஸ் அப்டேட்!

அந்த வகையில், வைரமுத்து தனது வழக்கமான உடல் பரிசோதனைகளுக்காக மட்டுமே மருத்துவமனைக்கு வந்துள்ளார் எனவும் அவர் பூரண உடல்நலத்துடன் இருப்பதாகவும் அவரது உதவியாளர் தெரிவித்துள்ளார். மேலும் வதந்திகளை பரப்ப வேண்டாம் எனவும் அவர் வேண்டுகோள் விடுத்துள்ளார் என்பது குறிப்பிடத்தக்கது.