குரூப் 1 தேர்வுக்கான இலவச பயிற்சி வகுப்புகள் ஆகஸ்டு 6ம் தேதி முதல் தொடங்கவுள்ளது.
டாக்டர் அம்பேத்கர் கல்வி மற்றும் வேலைவாய்ப்பு பயிற்சி மையம் சார்பில் குரூப் 1 தேர்வுக்கான இலவச பயிற்சி சென்னையில் 6ம் தேதி தொடங்குகிறது என அறிவிப்பு வெளியாகியுள்ளது.
இதுகுறித்து அந்த பயிற்சி மையத்தின் ஒருங்கிணைப்பாளர் வாசுதேவன் வெளியிட்ட செய்திக்குறிப்பில் கூறியதாவது: டிஎன்பிஎஸ்சி நடத்தும் குரூப் 1 மற்றும் குரூப் 2 தேர்வுகளுக்கு எங்கள் மையம் சார்பாக இலவசமாக பயிற்சிகள் அளிக்கப்பட்டு வருகிறது.இந்த பயிற்சியை அகில இந்திய இன்சூரஸ் ஊழியர் சங்கம் மற்றும் தீண்டாமை ஒழிப்பு முன்னணி ஆகியவற்றுடன் இணைந்து நடத்தி வருகிறோம். இங்கு படித்த 1200க்கும் மேற்பட்ட மாணவர்கள் போட்டித் தேர்வுகளில் வெற்றிபெற்று பல்வேறு அரசுத் துறைகளில் பணிபுரிகின்றனர்.
இதற்கிடையே 92 காலிப்பணியிடங்களை நிரப்புவதற்கான குரூப்-1 முதல்நிலைத் தேர்வு அக்டோபர் 30ம் தேதி நடைபெறுகிறது. இதற்கான இலவச பயிற்சி அளிக்கப்படவுள்ளது (ஏற்கனவே குரூப் 2 முதன்மை தேர்வுக்கான பயிற்சியையும் எடுத்து வருகிறார்கள்). பயிற்சி மையத்தில் துறைசார்ந்த வல்லுநர்களை கொண்டு வகுப்புகள் நடைபெற்று வருகின்றன. இந்த இலவச பயிற்சி வகுப்பில் எஸ்சி, எஸ்டி மற்றும் பிற்படுத்தப்பட்ட அனைத்து பிரிவு மாணவர்களும் கலந்துகொள்ளலாம். சென்னை பாரிமுனையில் உள்ள சிஐடியு அலுவலகத்தில் வகுப்புகள் ஆகஸ்டு 6ம் தேதி முதல் தொடங்கவுள்ளன.
பயிற்சியில் பங்கேற்க விரும்புவர்கள் கட்டாயம் முன்பதிவு செய்வதுடன் குரூப் -1 தேர்வு விண்ணப்ப நகலுடன் ஒரு புகைப்படமும் சமர்ப்பிக்க வேண்டும். கூடுதல் விவரங்களுக்கு இந்த எண்களை தொடர்பு கொள்ளலாம். சவுந்தர் 90950 06640, வாசுதேவன்-94446 41712, அமலா-63698 74318, ஜனனி-97906 10961. இவ்வாறு அதில் தெரிவிக்கப்பட்டுள்ளது.