68வது தேசிய திரைப்பட விருதுகள் இன்று (ஜூலை 22)அறிவிக்கப்பட உள்ளன. இதில் சிறந்த திரைப்படம், நடிகர், நடிகைகள், இயக்குநர் உள்ளிட்ட பிரிவுகளில் விருதுகள் வழங்கப்படவிருக்கின்றன.
மாலை 4 மணிக்கு டெல்லியில் உள்ள நேஷனல் மீடியா சென்டரில் விருதுகள் அறிவிக்கப்படும் என தெரிவிக்கப்பட்டுள்ளது. இந்த விழாவில் ஜெய்பீம், சூரரைப்போற்று போன்ற தமிழ் திரைப்படங்களுக்கு விருது கிடைக்கும் என எதிர்பார்க்கப்படுகிறது.
‘ஜெய்பீம்’ படத்தில் நடித்ததற்காக (சிறந்த சமூக பங்களிப்பு) நடிகர் சூர்யாவை ஆஸ்கர் உறுப்பினர் குழுவின் புதிய உறுப்பினராக அழைப்பு விடுத்தது, ஆஸ்கர் அகாடமி. 2022-ம் ஆண்டிற்கான புதிய உறுப்பினர்களுக்கான அழைப்பு 397 பேருக்கு விடுக்கப்பட்டிருப்பதில் இந்தியாவை சேர்ந்த நடிகர்கள் சூர்யா மற்றும் கஜோலின் பெயர்கள் இடம்பெற்றிருந்தன. இதில் தென்னிந்தியாவில் இருந்து ஆஸ்கர் பேனலுக்கு செல்லும் முதல் நடிகர் என்ற பெருமையை சூர்யா பெற்றுள்ளது குறிப்பிடத்தக்கது