டிஎன்பிஎஸ்சி குரூப் 4 தேர்வுக்கான உத்தேச விடைக்குறிப்புகள் வெளியிடப்பட்டுள்ளன.
தமிழக அரசில் காலியாக உள்ள இளநிலை உதவியாளர், தட்டச்சர், அலுவலக உதவியாளர், விஏஓ உள்ளிட்ட பதவிகளுக்கான (7,301 பணியிடங்கள்) குரூப் 4 தேர்வு கடந்த ஜூலை மாதம் 24ம் தேதி நடைபெற்றது. மாநிலம் முழுவதும் 7,689 மையங்களில் நடைபெற்ற இந்த தேர்வை 18,50,000 பேர் எழுதினர்.
இந்த தேர்வுக்கான உத்தேச விடைக்குறிப்பை தமிழ்நாடு அரசுப்பணியாளர் தேர்வாணையம் வெளியிட்டுள்ளது. இதனை அறிந்து கொள்ள https://www.tnpsc.gov.in/ என்ற இணையதளத்திற்கு சென்று https://www.tnpsc.gov.in/Tentative/Document/CCS4T_2022_OPT.pdf என்பதை கிளிக் செய்ய வேண்டும். இதில் ஏதேனும் ஆட்சேபனை இருந்தால் ஆகஸ்டு 8ம் தேதிக்குள் தெரிவிக்க வேண்டும். தேர்வு முடிவுகள் அக்டோபரில் வெளியாகும் என்று தெரிவிக்கப்பட்டுள்ளது.