பேருந்தில் இருந்து கீழே விழுந்த மாணவன் தீயாய் பரவும் வீடியோ

மேல்மருவத்தூர் அருகே பேருந்தில் சென்று கொண்டிருக்கும் மாணவன் திடீரென நடுரோட்டில் விழும் வீடியோ இணையத்தில் வைரலாகி வருகிறது.

பேருந்து 30-40 கிலோமீட்டர் வேகத்தில் செல்கிறது. படியில் தொங்கியபடி வந்த மாணவன் கத்தி கூச்சலிட்டும் யாரும் கவனிக்காத நிலையில், கீழே விழுகிறான். அதிர்ஷ்டவசமாக அவன் உயிருக்கும் ஏதும் ஆபத்து ஏற்படவில்லை. இதை பகிர்ந்து வரும் நெட்டிசன்கள் அரசு இந்த விசயத்தில் உரிய நடவடிக்கை எடுக்க வேண்டும். பள்ளிக்கல்வித்துறையும் இதற்கு பொறுப்பேற்க வேண்டும் என்று கோரிக்கை விடுத்து வருகின்றனர்.

பெரும்பாலும், உரிய பேருந்து நிறுத்தத்தில் ஓட்டுநர்கள் & நடத்துநர்கள் பேருந்துகளை நிறுத்தாமல் செல்வதே இதற்கு காரணம் என்று கூறப்படுகிறது. எனினும் இதுபோன்ற நிகழ்வுகள் இனிமேலும், நடைபெறாமல் இருக்க அரசு உரிய நடவடிக்கை எடுக்க வேண்டும்.