![](https://i0.wp.com/seithialai.com/wp-content/uploads/2022/12/elephant-attack-16706695063x2-1.jpg?resize=1024%2C683&ssl=1)
திருமணம் என்பது பல்வேறு சடங்குகள், சம்பிரதாயங்கள் கொண்ட பாரம்பாரியமிக்க ஒன்றாகும். தற்போது மாறிவரும் தலைமுறைக்கு ஏற்ப திருமணங்களில் பல்வேறு புதுமைகளை புகுத்தி வருகின்றனர். அதில் ஒன்று திருமணத்திற்கு முன்பான போட்டோஷூட் ஆகும்.
திருமணத்திற்கு முன்பே போட்டோஷூட் செய்வது மணமக்களின் விருப்பமான ஒன்றாக உள்ளது. அதுவும் யாரும் எதிர்பாராத, விநோதமான போஸ்களை கொடுக்கும் போட்டோஷூட்களை செய்வதையே அவர்கள் மிகவும் விரும்புகின்றனர்.வேடிக்கையான மற்றும் விநோதமான போட்டோஷூட் செய்யும் ஆர்வத்தில் மணமக்களின் செயல் விபரீதத்திலும் முடிந்துள்ளது.
கடந்த சில மாதங்களுக்கு முன் கேரளா மாநிலம் கோழிக்கோட்டில் மணமக்கள் ஆற்றில் போட்டோஷூட் செய்த மாப்பிள்ளை பாறையில் தடுக்கி ஆற்றில் விழுந்து உயிரிழந்தார். சில நாட்களுக்கு முன் கேரளாவில் இதே போன்று குவாரியில் திருமணத்திற்கு முன் விநோத செல்ஃபி எடுக்க முயன்று பெண் ஆற்றில் விழுந்தார். அவரை காப்பாற்ற காதலுனும் ஆற்றில் விழுந்தார். அருகில் இருந்தவர்கள் அவர்களை காப்பாற்றி மருத்துவமனையில் சிகிச்சைக்காக சேர்த்தனர்.
வேடிக்கையான போட்டோஷூட் என்ற பெயரில் பலர் ஆபத்துகளையும் சந்தித்து வருகின்றனர்.அதுப்போன்ற சம்பவத்தின் வீடியோ ஒன்று தான் தற்போது இணையத்தில் வைரலாகி வருகிறது. திருமணத்தின் போது மணமக்கள் போட்டோவிற்கு கொடுக்கும் போஸை பார்த்து மண்டபத்தில் இருப்பவர்களுக்கே கோபம் வரும், மற்றவர்களை பற்றி சொல்லவா வேண்டும்.
அதுவும் யானை முன் போட்டோஷூட் செய்த மணமகன், அதே யானையால் தென்னமட்டையில் செம்ம அடிவாங்கி உள்ளார். இந்த வீடியோவில் மணமக்கள் முகாமில் இருக்கும் யானை முன் போட்டோஷூட் நடத்தி உள்ளனர். அவர்களால் யானை டென்ஸனாகி இருக்கும் போல்.
காட்டில் ஜாலியாக இருக்க வேண்டிய நானே முகாமில் இருக்கேன், இதுல எனக்கு முன்னாடி லவ்ஸ் பண்ணீறிங்களா என்பது போன்று யானை அங்கிருந்த தென்னமட்டை ஒன்றை எடுத்து அந்த ஜோடி மீது வீசி உள்ளது. யானையின் குறி கொஞ்சம் கூட மிஸ் ஆகாமல் காதலனின் மீது படார் என்று அடித்துள்ளது. இதை சற்றும் எதிர்பார்க்காத அந்த ஜோடி திகைத்து போகினர்.
இதனை பேஸ்புக்கில் பகிர்ந்துள்ள நபர், மண்டைலயே போட்றுவேன் பார்ததுக்கோ.. வந்தமா பாத்தமான்னு போய்கிட்டே இருக்கனும்… என்றெல்லாம் பதிவிட்டுள்ளார். இந்த வீடியோ தற்போது இணயைத்தில் வைரலாகி உள்ள நிலையில் பல லைக்ஸ்களையும் அள்ளி உள்ளது.