உலகின் உயரமான இடத்தில் வாழும் எலி

Yellow rumped leaf-eared mouse எனப்படும்  எலி இனம் ஒரு சாதனையை படைத்துள்ளது. இதுவரை அறியப்பட்ட பாலூட்டி இனங்களிலேயே மிகவும் உயரிய இடத்தில் வாழும் இனமாக அறியப்பட்டுள்ளது.சிலி மற்றும் அர்ஜென்டினாவின் எல்லையில் உள்ள  ஒரு செயலற்ற எரிமலையான  வோல்கன் லுல்லிலாக்கோவின் (Volcan Llullaillaco) உச்சியில், கடல் மட்டத்திலிருந்து 6,739 மீட்டர் அதாவது சுமார்  22,110 அடி உயரத்தில் இந்த எலி வாழ்வது கண்டறியப்பட்டுள்ளது. ஒப்பீட்டுக்காக பார்த்தோமானால்  எவரெஸ்ட் சிகரம் 8,848 மீட்டர் உயரம் அதாவது 29,029 அடி.

1921 ஆம் ஆண்டு எவரெஸ்ட் சிகரப் பயணத்தின் போது 6,130 மீட்டர் உயரத்தில் பெரிய காது கொண்ட பிகா  (large-eared pika)
 எனும் எலி உயிர் வாழ்வது தெரிந்தது.இதன்  சாதனையை தான் மஞ்சள் காது எலி தட்டிப் பறித்துள்ளது,
கடல் மட்டத்தில் கிடைக்கும் ஆக்ஸிஜனில் சுமார் 44 சதவீதம் மட்டுமே இந்த இடத்தில் இருக்கும். எனவே இந்த இடத்தில் உயிர்கள் வாழ்வது ஆச்சரியமாக இருக்கிறது. Nebreska  Lincoln  பல்கலைக்கழகத்தின் பரிணாம உயிரியலாளர் ஜே ஸ்டோர்ஸ் கூறுகையில், “இவ்வளவு உயரத்தில் எந்தவொரு உடல் செயல்பாடுகளையும் அல்லது மனநல நடவடிக்கைகளையும் தக்கவைத்துக்கொள்வது மிகவும் கடினம். வெப்பநிலை உறைபனிக்கு மேல் அதிகமாக  உள்ளது ” எனக்கூறியுள்ளார். அடுத்தகட்டமாக, இந்த விலங்குகளை அதிக உயரத்தில் வாழவைக்கக்கூடிய மரபணு பற்றி ஆராயவுள்ளனர்.
இந்த எலிகளிடம் கிடைத்த இன்னொரு ஆச்சரியம் என்னவென்றால் இவை கடல் மட்டத்தில் கூட காணப்படுவது தான்.

உடலியல் நிபுணர்களை பொறுத்தவரை இப்படிபட்ட உயிரினங்களை அவர்கள் பல சோதனைகளுக்கு உட்படுத்தலாம்.. குறைந்த ஆக்ஸிஜன் இருக்கும் இடங்களில் எவ்வாறு இந்த உயிரினங்கள் வாழ்கின்றன?. குறைந்த அளவு  ஆக்சிஜனால் சுவாச கோளாறை சந்திப்பவர்கள், மூச்சு விட சிரமப்படுபவர்கள் ஆகியோருக்கு இந்த ஆய்வு உதவிகரமாக இருக்கும்.