சஞ்சு சாம்சன் மற்றும் ஸ்மித்தின் அதிரடி அரை சதத்தால் சி.எஸ்.கே அணிக்கு 217 ரன்கள் இலக்காக நிர்ணயித்தது ராஜஸ்தான் ராயல்ஸ் அணி
ராஜஸ்தான் ராயல்ஸ் அணிக்கு எதிரான ஐ.பி.எல் கிரிக்கெட் போட்டியில் சென்னை சூப்பர் கிங்ஸ் டாஸ் வென்று பௌலிங் தேர்வு செய்தது…இதை தொடர்ந்து ராஜஸ்தான் ராயல்ஸ் அணி சார்பில் தொடக்க ஆட்டக்காரர்களாக இந்திய அண்டர் 19 வீரர் ஜெய்ஸ்வால் மற்றும் ராஜஸ்தான் ராயல்ஸ் அணியின் கேப்டன் ஸ்மித் களம் இறங்கினர்.தீபக் சாகர் வீசிய 3 வது ஓவரில் முதல் பந்தில் ஜெய்ஸ்வால் ஒரு பௌண்டரி அடித்து அடுத்த பந்திலேயே தீபக் சாகரிடம் கேட்ச் கொடுத்து வெளியேறினார்.அதே ஓவரில் ஸ்மித் ஒரு சிறப்பான பௌண்டரி அடித்து தெறிக்க விட்டார்.லுங்கி நெங்கிடி வீசிய 4 வது ஓவரில் முதல் பந்திலேயே ஸ்மித் ஒரு சிக்ஸர் அடித்து அசத்த,ஷாம் கரண் போட்ட அடுத்த ஓவரில் சஞ்சு சாம்சன் தன் பங்கிற்கு ஒரு பௌண்டரி,ஒரு சிக்ஸர் அடித்து நொறுக்கினர்.தொடர்ந்து அதிரடி காட்டிய சாம்சன்,ஸ்மித் ஆகிய இருவரும் 5.5 ஓவர்களில் ராஜஸ்தான் ராயல்ஸ் அணி 50 ரன்களை கடக்க உதவி செய்தனர்.ஜடேஜா வீசிய 7 வது ஓவரிலும் ,பியூஸ் சாவ்லா வீசிய 8வது ஒவரிலும் சாம்சன் சேர்த்து 5 சிக்ஸர்கள் பறக்க விட்டு தனது அரை சதத்தை கடந்த நிலையில்,அதே ஓவரில் கேப்டன் ஸ்மித்மும் ஒரு சிக்ஸரை தெறிக்கவிட்டார்.
இருவரும் அடித்து ஆட 9 ஓவர் முடிவில் 100 ரன்கள் ராஜஸ்தான் ராயல்ஸ் அணி வேகமாய் கடந்தது.தொடர்ந்து அதிரடி காட்டிய சாம்சன் லுங்கிடி வீசிய 11.4 ஓவரில் வெறும் 32 பந்துகளில் 74 ரன்களுடன் சாகரிடம் கேட்ச் கொடுத்து அவுட் ஆனார்.அடுத்த இரண்டு பந்துகளில் ஸ்மித் அரை சதம் கடந்து 2 வது ரன்னுக்கு ஓட,எதிர் முனையில் டேவிட் மில்லர் தோனியின் துல்லியமான கீப்பிங்ளால் ரன் எதுவும் அடிக்காமல் வெளியேறினார்.
14.1 வது ஓவரில் ராபின் உத்தப்பாவும் 5 ரன்களுடன் வெளியேற..அடுத்த பந்தில் ராஜஸ்தான் ராயல்ஸ் அணி 150 ரன்களை தொட்டது. 17 வது ஒவரில் அடிப்பார் என எதிர்பார்த்த ராகுல் தீவாட்டியா 10 ரன்களில் வெளியேற ராஜஸ்தான் அணி 167 ரன்களுக்கு 5 விக்கெட் இழந்து இருந்தது.அடுத்து களம் இறங்கிய இளம் வீரர் ரியான் பராக் ஒரு பௌண்டரி அடித்து அவுட் ஆனார்.
மறுமுனையில் கேப்டன் ஸ்மித் நிதானத்தை வெளிப்படுத்த,அணியின் ஸ்கோர் மெல்ல நகர்ந்தது.ஷாம் கரண் வீசிய 19 வது ஓவரில் கேப்டன் ஸ்மித் 47 பந்துகளில் 69 ரன்களுடன் கேதார் ஜாதவிடம் கேட்ச் கொடுத்து அவுட் ஆனார்.கடைசி ஒவரில் ஆர்ச்சர் தொடர்ந்து 4 சிக்ஸர்கள் அடிக்க.. ராஜஸ்தான் ராயல்ஸ் அணியின் ரன்கள் 200 யை கடந்து பறந்தது.20 ஓவர் முடிவில் ராஜஸ்தான் ராயல்ஸ் அணி 217 ரன்களை சென்னைக்கு இலக்காக நிர்ணயித்தது.