சென்னை – கொல்கத்தா அணிகள் இன்றைய போட்டியில் மோதல்… சென்னை ஹாட்ரிக் வெற்றி பெறுமா…!!

சென்னை – கொல்கத்தா அணிகள் இன்றைய போட்டியில் மோதுகின்றன.

ஐபிஎல் 14ஆவது சீசன் 15ஆவது லீக் போட்டியில் கொல்கத்தா நைட் ரைடர்ஸ், சென்னை சூப்பர் கிங்ஸ் அணிகள் மோதவுள்ளன. போட்டி, இரவு 7:30 மணிக்கு மும்பை வான்கடே மைதானத்தில் துவங்கவுள்ளது.

சென்னை சூப்பர் கிங்ஸ் அணி முதல் லீக் போட்டியில் டெல்லி கேபிடல்ஸ் அணிக்கு எதிராகத் தோல்வியை எதிர்கொண்ட நிலையில், அதிலிருந்து விரைவாக மீண்டு அடுத்த இரண்டு போட்டிகளிலும் அசத்தல் வெற்றிபெற்று, தற்போது புள்ளிப்பட்டியலில் மூன்றாவது இடத்தில் நீடிக்கிறது. கடந்த ஆண்டு சிஎஸ்கே படுமோசமாக சொதப்பி முதல்முறையாக பிளே ஆஃப் செல்லும் வாய்ப்பை இழந்தது.

கொல்கத்தா நைட் ரைடர்ஸ் அணி இந்த சீசனின் முதல் மூன்று போட்டிகளில் பேட்டிங், பந்துவீச்சு இரண்டிலும் சிறப்பாக சோபிக்கவில்லை. துவக்க வீரர் நிதிஷ் ராணா மட்டும் அதிரடியாக விளையாடி வருகிறார். குறிப்பாக, முன்னணி வீரர்கள் ஆண்ட்ரே ரஸ்ஸல், பேட் கம்மின்ஸ் இருவரும் அதிரடியாகச் செயல்பட முடியாமல் திணறி வருகிறார்கள். கேப்டன் இயான் மோர்கன் கடந்த நான்கு டி20 ஆட்டங்களில் ஒருமுறை மட்டும் இரட்டை இலக்க ரன்கள் அடித்து கவலைக்கிடமான நிலையில் உள்ளார்.