₹10 லட்சத்திற்கான காப்பீட்டு திட்டத்தை அஞ்சல்துறை அறிமுகப்படுத்தியுள்ளது.
அஞ்சல் துறையின் போஸ்ட் பேமண்ட் வங்கியானது, டாடா ஏஐஜி, ஜெனரல் இன்சூரன்ஸ் ஆகிய நிறுவனங்களுடன் இணைந்து ₹10 லட்சத்திற்கான காப்பீட்டு திட்டத்தை அறிமுகப்படுத்தியுள்ளது. இத்திட்டத்தில் ₹399 செலுத்தி விரல்ரேகை பதிவு செய்தால் போதும். 5 நிமிடத்தில் இந்த காப்பீட்டு திட்டத்தில் சேரலாம்.
இந்த காப்பீட்டு திட்டத்தின் சிறப்பு அம்சங்கள்:
*இத்திட்டத்தில் 18-65 வயது உள்ளவர்கள் சேரலாம்.
*விபத்தினால் ஏற்படும் உயிரிழப்பு, நிரந்தர முழு உடல்பாதிப்பு, பகுதி உடல் பாதிப்பு, பக்கவாதம் ஏற்பட்டால் ₹10 லட்சம், விபத்தினால் ஏற்படும் மருத்துவச்செலவுகள் (உள்நோயாளி செலவுகளுக்கு அதிகபட்சம் ₹60 ஆயிரம், புறநோயாளி செலவுகளுக்கு அதிகபட்சம் ₹30 ஆயிரம்) வழங்கப்படும்.
*விபத்தினால் மரணம், பக்கவாதம் ஏற்பட்டவரின் குழந்தைகளுக்கு (அதிகபட்சம் 2 குழந்தைகள்) கல்விச் செலவுக்கு ₹1 லட்சம் வரை வழங்கப்படும். *மேலும், இதுதொடர்பான விவரங்களுக்கு அருகில் உள்ள அஞ்சல் அலுவலகத்தை அணுகவும்.