நடத்தையில் சந்தேகமடைந்ததால் மனைவியின் கையில் கற்பூரம் ஏற்றி கொடுமைச் செய்த கணவரை போலீசார் வழக்குப் பதிவு செய்து விசாரணை நடத்தி வருகின்றனர்.
கர்நாடகாவிலுள்ள கோலார் மாவட்டத்தைச் சேர்ந்தவர் ஆனந்த். இவர் மனைவியுடன் வீரனஹள்ளி என்கிற கிராமத்தில் வசித்து வருகிறார். இந்த தம்பதிக்கு திருமணம் முடிந்து 14 ஆண்டுகள் கடந்துவிட்டன.
சமீபமாக மனைவியின் நடவடிக்கையில் ஆனந்துக்கு சந்தேகம் தோன்றியுள்ளது. இதனால் இருவருக்குமிடையில் அவ்வப்போது வாக்குவாதம் ஏற்பட்டு வந்தது. ஒருகட்டத்தில் கையில் கற்பூரம் வைத்து கொளுத்தி காட்டினால் தான் நம்புவேன் என மனைவியிடம் கூறியுள்ளார் ஆனந்த்.
இதனால் மனைவியும் உள்ளங்கையில் கற்பூரம் வைத்து கொளுத்தியுள்ளார். அவருடைய கை முழுவதுமாக எரிந்துபோனது. ஆனால் கணவரை அவரை மருத்துவமனைகு அழைத்துச் செல்லவில்லை. இந்த சம்பவம் தொடர்பாக சமூகவலைதளத்தில் தகவல் வெளியானது.
அதை பார்த்த உள்ளூர்வாசி ஒருவர், ஆனந்தின் மனைவியை மீட்டு மருத்துவமனையில் சேர்த்தார். இந்த சம்பவம் தொடர்பாக வேம்கல் பகுதி காவல்துறைக்கு தகவல் தெரிவிக்கப்பட்டது. அவர்கள் கணவர் ஆனந்த் மீது வழக்குப் பதிவு செய்துள்ளனர்.
போலீசார் தன்னை தேடுவதை தெரிந்துகொண்ட ஆனந்த் தலைமறைவாகிவிட்டார். அவரை தேடும் பணியில் காவல்துறையினர் தீவிரமாக ஈடுபட்டு வருகின்றனர்.