இ-காமர்ஸ் நிறுவனமான அமேசான் மற்றும் வணிக மென்பொருள் தயாரிப்பாளரான சேல்ஸ்போர்ஸ் ஆகியவை சமீபத்திய பெரிய வேலை இழப்புகளை அறிவித்து உள்ளன. சுமார் 18,000 பணியாளர்களை வேலை நீக்கம் செய்யப்போவதாக அமேசான் புதன்கிழமை தெரிவித்துள்ளது.
சியாட்டலை தளமாகக் கொண்ட நிறுவனத்தின் வரலாற்றில் இது மிகப்பெரிய பணிநீக்கம் ஆகும், இருப்பினும் அதன் 15 லட்சம் உலகளாவிய பணியாளர்களில் இது ஒரு பகுதியே. இதில்அமேசான் பிரஷ் (Amazon Fresh) மற்றும் அமேசான் கோ (Amazon Go) ஆகியவை அடங்கும்.
இது குறித்து தலைமை நிர்வாக அதிகாரி ஆண்டி ஜாஸ்ஸி கூறியதாவது:- கடந்த காலங்களில் அமேசான் நிச்சயமற்ற மற்றும் கடினமான பொருளாதாரங்களை எதிர்கொண்டது “இந்த மாற்றங்கள் வலுவான செலவுக் கட்டமைப்புடன் எங்களது நீண்ட கால வாய்ப்புகளைத் தொடர உதவும் என கூறினார்.
அமேசான் வேலை இழப்பு கட்டணம், இடைநிலை சுகாதார காப்பீட்டு நன்மைகள் மற்றும் வேலை வாய்ப்பு ஆதரவு ஆகியவற்றையும் வழங்குகிறது. சேல்ஸ்போர்ஸ், சுமார் 8,000 ஊழியர்களை அல்லது அதன் பணியாளர்களில் 10சதவீதம் பேரை பணிநீக்கம் செய்வதாகக் கூறி உள்ளது. சேல்ஸ்போர்ஸின் உயர்மட்டத் தரவரிசையில் ஏற்பட்ட ஒரு அதிர்வு காரணமாக பணிநீக்கங்கள் செய்யப்படுகின்றன.
இந்நிறுவனத்தின் 23 ஆண்டுகால வரலாற்றில் மிகப் பெரிய பணி நீக்கமாகும். வேலையை இழக்கும் சேல்ஸ்போர்ஸ் தொழிலாளர்கள் கிட்டத்தட்ட ஐந்து மாத ஊதியம், உடல்நலக் காப்பீடு, தொழில் வளங்கள் மற்றும் பிற நன்மைகளைப் பெறுவார்கள் என்று நிறுவனம் தெரிவித்துள்ளது.