விநாயகர் சதுர்த்தியை கொண்டாடும் அனைவருக்கும் வாழ்த்துக்கள் : ஜோ பிடென் டுவீட்
விநாயகர் சதுர்த்தியை கொண்டாடும் மக்கள் அனைவருக்கும், ஜோ பிடென் டுவிட்டரில் வாழ்த்துக்கள் தெரிவித்துள்ளார்.
விநாயகர் சதுர்த்தி தினத்தை முன்னிட்டு, உலகம் முழுவதும் உள்ள இந்துக்களுக்கு, ஜனநாயகக் கட்சி சார்பில் அதிபர் வேட்பாளாராக போட்டியிடும், ஜோ பிடென் வாழ்த்து தெரிவித்துள்ளார்.
இதுக்குறித்து ஜோ பிடென் தனது டுவிட்டர் பக்கத்தில் வெளியிட்டுள்ள பதிவில், “அமெரிக்கா, இந்தியா மற்றும் உலகெங்கிலும், இந்துக்களின் பண்டிகையான விநாயகர் சதுர்த்தியை கொண்டாடும் அனைவருக்கும், நீங்கள் எல்லா தடைகளையும் கடந்து, ஞானத்தால் நிறைந்து, புதிய தொடக்கங்களை நோக்கி ஒரு பாதையை காண வேண்டும்” என்று வாழ்த்து தெரிவித்து பதிவிட்டுள்ளார்.
அமெரிக்காவில் வரும் நவம்பர் மாதம் அதிபர் தேர்தல் நடைபெற உள்ளது. இதில் ஜனநாயக கட்சியின் சார்பில் அதிபர் வேட்பாளராக ஜோ பிடென் போட்டியிடுகிறார் என்பது குறிப்பிடத்தக்கது.
