ஐ.பி.எல் வரலாற்றில் இதல்லாம் ஒரு சாதனையாப்பா..டிவில்லியர்ஸ்க்கு இதல்லாம் சாதாரணமப்பா…

ராஜஸ்தான் ராயல்ஸ் அணிக்கெதிராக 22 பந்துகளில் 55 ரன்கள் அடித்ததன் மூலம் டேவிட் வார்னரின் சாதனையை டி வில்லியர்ஸ் சமன் செய்துள்ளார்.

தென் ஆப்பிரிக்க முன்னாள் கிரிக்கெட் வீரரும், ராயல் சேலஞ்சர்ஸ் பெங்களூரு ஐபிஎல் அணி வீரருமான டிவில்லியர்ஸ் மணிமகுடத்தில் மேலும் ஒரு வைரம் சூட்டப்பட்டுள்ளது. நேற்று ராஜஸ்தான் ராயல்ஸ் அணிக்கெதிராக 22 பந்துகளில் 55 ரன்கள் அடித்ததன் மூலம் டேவிட் வார்னரின் சாதனையை டி வில்லியர்ஸ் சமன் செய்துள்ளார்.

யுஏஇ-யின் துபாயில் நடைபெற்ற ஆட்டத்தில் ராஜஸ்தான் ராயல்ஸ் – ராயல் சேலஞ்சர்ஸ் பெங்களூர் அணிகள் மோதிக் கொண்டன. முதலில் பேட்டிங் செய்த ராஜஸ்தான் ராயல்ஸ் 177 ரன்கள் குவித்தது. பின்னர் 178 ரன்கள் அடித்தால் வெற்றி என்ற இலக்குடன் ராயல் சேலஞ்சர்ஸ் பெங்களூர் அணி களம் கண்டு விளையாடியது.

போட்டியின்போது கேப்டன் விராட் கோலி ஆட்டமிழக்கும்போது ஆர்சிபி அணிக்கு 41 பந்துகளில் 71 ரன்கள் தேவைப்பட்டது. அப்போது களமிறங்கிய ஏபி டி வில்லியர்ஸ் அதிரடியாக விளையாடி 22 பந்துகளில் அரைசதம் அடித்ததோடு அணி வாகை சூட உதவினர். 22 பந்தில் 6 சிக்ஸ், ஒரு பவுண்டரியுடன் 55 ரன்கள் விளாச ஆர்சிபி 2 பந்துகள் மீதமுள்ள நிலையில், 7 விக்கெட் வித்தியாசத்தில் வெற்றி பெற்றது.

ஐபிஎல் வரலாற்றில் 25 பந்துகளுக்குள் டி வில்லியர்ஸின் 12-வது அரைசதம் இதுவாகும். இதற்கு முன் டேவிட் வார்னர் 12 முறை இதுபோன்று 25 பந்துகளுக்குள் அரைசதம் அடித்துள்ளார். தற்போது டிவில்லியர்ஸ் அதை சமன் செய்துள்ளார்.25 பந்துகளில் அரை சதம் எடுப்பதில் கிறிஸ் கெய்ல், பொல்லார்ட் 7 முறை அடித்து 2-வது இடத்திலும், சேவாக் 6 முறை அடித்து 3-வது இடத்திலும் உள்ளனர்.